Almatyda 2017 jyly birqatar qalalyq saıabaqtar qaıta qurylady, bul jóninde Almaty qalasy máslıhatynyń XII sessııasynda belgili boldy, dep habarlaıdy strategy2050.kz.
Qolaıly qoǵamdyq keńistikter jasaý maqsatynda Tuńǵysh Prezıdent, Ońtústik saıabaqtaryn qaıta qurý, sondaı-aq taǵy 22 saıabaqty abattandyrýǵa JSQ ázirleý josparlanýda.
Qala ákimdiginde kóktemnen bastap Jibek joly kóshesinde, Astana alańynda, Panfılov, Qabanbaı batyr jáne Gogol kóshelerinde jaıaý júrginshiler aımaǵyn jasaý boıynsha jumystar bastalatyny habarlandy.
Sondaı-aq biryńǵaı sáýlet stılinde qalalyq jıhaz ben shaǵyn sáýlet nysandaryn ornatý boıynsha jumys jalǵasatyn bolady. Qalany butalarmen jáne gúldermen kógaldandyrýǵa jumsalatyn shyǵystar ulǵaıtyldy.
Bıylǵy jyly 290 qalalyq úı aýlalaryn abattandyrý júrgizilip, oǵan 2 mlrd teńge bólingeni belgili. Kelesi jyly taǵy 400 aýla abattandyrylatyn bolady.
Qardyń anaǵurlym sapaly tazalanýyn qamtamasyz etý maqsatynda 93 qar tazalaý mashınasyn satyp alý kózdelgen (4,5 mlrd teńge).
Budan bólek, 2017 jyly negizinen qosylǵan aýmaqtarda 260 shm astam aryq jelisin salý jáne qaıta qurý josparlanǵan.