Rıo-2016 Olımpıadasy
Bıyl jaz aılarynda ótken Rıo Olımpıadasyna Qazaqstan quramasy 3 altyn, 5 kúmis, 9 qola medalmen jalpy esepte 22-orynnan kórindi. Altyn medaldar: Danııar Eleýsinov (boks), Nıjat Raxımov (aýyr atletıka), Dmıtrıı Balandın (júzý); Kúmis medaldar: Ádilbek Nııazymbetov (boks), Vasılıı Levıt (boks), Jazıra Japparqul (aýyr atletıka), Eldos Smetov (dzıýdo), Gúzel Manıýrova (kúres); Qola medaldar: Ivan Dychko (boks), Darıǵa Shákimova (boks), Otgonseseg Galbadrax (dzıýdo), Karına Gorıcheva (aýyr atletıka), Olga Rypakova (jeńil atletıka), Aleksandr Zaıchıkov (aýyr atletıka), Elmıra Syzdyqova (kúres), Ekaterına Larıonova (kúres), Farxad Harkı (aýyr atletıka)Rıo-2016 Paralımpıadasy
Rıo-de-Janeırodaǵy Paralımpıadada el quramasy eki medal alyp, jalpy esepte 58-orynǵa jaıǵasty. Altyn júldeni Zúlfııa Gabıdýllına (júzý) jeńip alsa, kúmisti Raýshan Qoıshybaev (paýerlıftıng) enshiledi.Qysqy Olımpıada (jasóspirimder arasynda)
Jyl basynda jasóspirimderimiz Norvegııanyń Lıllehammer qalasyndaǵy Olımpıada oıyndarynda baq synady. Onda Qazaqstan jetkinshekteri 2 qola medal jeńip alyp, komandalyq esepte 27-orynǵa ıe boldy. Mənerlep syrǵanaýdan Elızabet Tursynbaeva jáne bıatlonnyń sprınttik baǵdarlamasynda Arına Pantova mərege úshinshi oryndy qanaǵat tutty.Dzıýdo
Olımpıadadan bólek, sportshylarymyz eki álem chempıonatynan da medalmen oraldy. Atap aıtar bolsaq, Kıntonov Murat ardagerler arasynda álemdi moıyndatsa, Ǵusman Qyrǵyzbaev áskerıler arasynda altyn aldy. Qurlyqtyq chempıonatta da tatamı sheberleri bıikten kórindi. О́zbekstan astanasy Tashkentte 3 altyn, 2 kúmis, 4 qolamen komandalyq esepte Azııa Chempıonatyn 3-orynmen aıaqtady. Bul synda Eldos Smetov (60 kg), Otgonseseg Galbadrah (48 kg) jáne Marıan Ýrdabaeva (63 kg) chempıon atanyp, jalaýymyzdy jelbiretken bolatyn. Bıyl eresekterden ulttyq quramamyz IJF kúntizbesindegi barlyq iri jarystarǵa qatysyp, 2016 jyly 35 medalǵa qol jetkizdi. Onyń 10-y altyn, 12-si kúmis jáne 13-i qola. Kadetterdi qosa alǵanda dzıýdoshylarymyz elimizdiń qorjynyna 59 medal saldy.Fýtbol
«Astana» komandasynyń Chempıondar lıgasy toptyq kezeńine shyǵýyna Shotlandııanyń «Seltıgi» kedergi boldy. Dese de, elorda klýby Qazaqstan fýtboly tarıhynda Eýropa lıgasyna joldama alǵan ekinshi komanda jáne ekinshi maýsym qatarynan kári qurlyq arenasynda baq synaǵan alǵashqy komanda atandy. Eýropa lıgasynyń toptyq kezeńinde astanalyqtar Grekııanyń «Olımpıakosymen», Kıprdiń APOEL-imen, Shveısarııanyń «Iаng Boızymen» kezdesti. Tájirıbesiniń azdyǵynan pleı-off kezeńine óte almady. Biraq maýsym sońynda úshinshi jyl qatarynan el chempıony atanyp, Qazaqstan Kýbogynda da jeńiske jetti.Fýtzal
Aqpannyń 2-13 kúnderi Serbııanyń Belgrad qalasynda ótken Eýropa chempıonatyna Qazaqstan quramasy tuńǵysh ret qatysyp, qola júldege ıe boldy. Toptyq kezeńdi ekinshi orynmen aıaqtap, shırek fınalǵa shyqqan bolatyn. Munda komandamyz Eýropa, álem chempıonattarynda bıikterden kórinip júrgen Italııany 5:2 esebimen jeńdi. Biraq, jartylaı fınalda týrnırdiń chempıony atanǵan Ispanııa quramasyna 3:5 esebimen ese jiberdi. Al qola júlde úshin ótken matchta alań ıeleri Serbııany 5:2 esebimen tize búktirdi. Fýtzaldan bıyl álem chempıonaty da ótti. Kolýmbııada ótken dúbirli dodada ulttyq quramamyz júldeli orynǵa ıe bola almaǵanmen, alpaýyt komandalarǵa laıyqty qarsylas bola alatynyn taǵy bir márte dáleldedi. Toptyq kezeńde 6 upaımen pleı-off kezeńine shyǵyp, bul jolda taǵy da ıspandardan jeńilis tapty.Boks
Qazaqstan boksshylary bıyl úlken jetistikterge jetti. Áýesqoı boksta Olımpıada chempıondary kók týymyzdy jelbiretse, kásipqoı boksta da tarlandarymyz aldyna jan salmady. Gennadıı Golovkın bıyl eki kezdesý ótkizdi. 23 sáýir kúni buǵan deıin jeńilis kórmegen amerıkalyq Domınık Ýeıdpen judyryqtasyp, 2-raýndta nokaýtpen jeńdi. Al ekinshi ret 10 qyrkúıek kúni Kell Brýkpen jekpe-jekke shyǵyp, 5-raýndta tehnıkalyq nokaýtpen jeńiske jetti. 18 mamyrda Saýl «Kanelo» Alvares óz erkimen WBC belbeýinen bas tartyp, birinshi orta salmaqqa aýysyp ketti. Belbeý Golovkınge berildi. 29 qazan kúni Almaty qalasyndaǵy «Almaty Arenada» qazaqstandyq bylǵary qolǵap sheberleriniń qatysýymen boks keshi ótti. Jerlesterimiz bul kúni qarsylastarynyń bárinen basym tústi. Qanat Islam ganalyq Patrık Alloteımen judyryqtasyp, 12 raýndtyq qoıan-qoltyq urysta tóreshilerdiń sheshimimen jeńiske jetti. Bul keshte Janqosh Turarov ganalyq Isaak Areden, Rýslan Myrsataev ganalyq Nýhý Azýmıden, Álı Ahmetov ázerbaıjandyq Álı Mammedovten, Aıdar Sháribaev ıspanııalyq Hýan Veneno Okýrden, Juman Jumabekov belarýstik Vladımır Ivanovtan, al kásipqoı boksta alǵashqy kezdesýin ótkizgen Jánibek Álimhanuly amerıkalyq Mılton Nýnezden basym tústi.Boks (qyzdar)
Astanada bokstan qyzdar arasynda ótken əlem chempıonatynda sportshylarymyz 4 altyn, 2 qola medal alyp, komandalyq esepte birinshi orynǵa ıe boldy. Nazym Qyzaıbaı (48 keli) qazaq boksynyń tarıhynda tuńǵysh ret eki dúrkin əlem chempıony atansa, 54 keli salmaqta kúsh synasqan Dına Jolaman da qarsylas shaq keltirmedi. Sondaı-aq, Valentına Halzova (69 keli) men Ləzzat Kúngeıbaeva (+81 keli) da altyn medal ıelendi. Al Jaına Shekerbekova (51 keli) men Aıjan Qojabekova (57 keli) qola júldeni qanaǵat tutty.«Eýrazııa barysy»
«Almaty Arena» stadıonynda Tuńǵysh Prezıdent kúni merekesine oraı «Eýrazııa barysy» halyqaralyq týrnırinde Qazaqstan quramasy «Eýrazııa barysy» atandy. Aqtyq synda el komandasy mońǵoldarmen kezdesip, 6:2 esebimen jeńiske jetti. Saıysqa 8 elden barlyǵy 130 sportshy qatysty. Jerlesterimiz alǵashqy beldesýde Polsha balýandaryn 7:0 esebimen oısyra utqan bolsa, jartylaı fınalda grýzııalyqtardan 6:2 esebimen basym tústi.Short-trek
Qazaqstannyń short-trek sportshylary 2016 jyly iri jetistikterge jetti. Kanadada ótken álem kýbogynyń birinshi kezeńinde 500 metrden erler arasynda Abzal Ájiǵalıev pen Denıs Nıkısha 4-orynǵa turaqtasa, áıelder arasynan 1000 metrden Kım Iong 10-orynǵa taban tiredi. AQSh-ta ótken ekinshi kezeńinde 500 metrden erler arasynda Abzal Ájiǵalıev chempıondyq ataqqa qol jetkizdi. Budan bólek, Aıdar Bekjanov 13-orynnan, Denıs Nıkısha 18-orynnan, al 1500 metrden Nurbergen Jumaǵazıev 9-orynnan kórindi. Sonymen qatar, 5 myń metrlik estafetalyq jarysta erler quramasy qola júldege qol jetkizdi. Álem kýbogynyń úshinshi kezeńi Qytaıda ótti. Aspanasty elinde 500 metrlik saıysta Abzal Ájiǵalıev 4, Aıdar Bekjanov 5-oryn aldy. Sondaı-aq, 1000 metrde Nurbergen Jumaǵazıev 6-oryndy qanaǵat tutty. Al Ońtústik Koreıada ótken tórtinshi kezeń asa tabysty aıaqtaldy. Onda 1000 metrden Nurbergen Jumaǵazıev chempıondyq ataqqa qol jetkizdi. Al Denıs Nıkısha kúmis medaldi ıelendi. Bul kezeńniń qorytyndysy boıynsha el quramasy álemdik reıtıngte 6-orynda keledi. Daıyndaǵan Aıan Ábdýálı