Sheteldik ınvestorlar Qytaı naryǵyn tastap ketip jatyr. Bul aqparatty osy eldiń BAQ ókilderi taratty, dep jazady 24.kz.
Málimetke súıensek, salyqtyq jeńildikterdiń tómendep ketýi men jumys kúshiniń qymbattaýy sebep bolǵan. Nátıjesinde kóptegen kásiporyn bıznesin Azııanyń ózge de damýshy elderine aýystyryp jatyr.
Amerıka-Qytaı saýda palatasynyń 500-ge jýyq múshesiniń 4-ten bir bóligi Aspan asty elindegi bıznesin jaýyp nemese jaqyn ýaqytta toqtatýǵa daıyn otyr. Máselen, qańtarda álem boıynsha kompıýterge arnalǵan qatty dısk shyǵaratyn Seagate kompanııasy Sýchjoý qalasyndaǵy óndiris ornyn japty. Onda 2 myńǵa jýyq qytaılyq jumys isteıtin edi.
Keıin belgili bolǵandaı, Sony, Panasonic, L'Oreal men Microsoft kompanııasy da Qytaı elinen ketken.