Baızaq aýdanyndaǵy Qyzyl juldyz aýyly aýmaǵynda ornalasqan «Rola-7» jaýapkershiligi shekteýli seriktestiginiń aty bul kúnde elimizdiń barlyq óńirlerine, tipti birqatar shetelderge de tanymal. 2008 jyly ashylǵan bul kásiporyn ózindik damý jolyna túsip, jelisin keńge jaıa túsýde, dep habarlady oblys ákimdigi.
Seriktestik janynan jańadan «Rola-Iаn» kásipornynyń ashylýy sonyń bir aıǵaǵyndaı. Qytaılyq ınvestor Sıao Honveıdiń 288 mıllıon teńge ınvestısııa salýynyń nátıjesinde atalmysh kásiporyn «DL-650X» qondyrǵysymen jaraqtandyrylyp otyr. Osy zamanaýı tehnologııa alty túrli uzyn kespeni jasap shyǵarýǵa múmkindik beredi. Ol ózimizde óndiriletin un, tuz, jumyrtqa sekildi otandyq ónimderden daıarlanady.
Joba 2015–2019 jyldarǵa arnalǵan Qazaqstan Respýblıkasynyń ındýstrıaldy-ınnovasııalyq damý memlekettik baǵdarlamasy aıasynda júzege asyrylyp otyr.
«Jýyrda Qazaqstan halqyna arnaǵan Joldaýynda Elbasy eki jańǵyrý kezeńinen abyroıly ótip, úshinshi jańǵyrý kezeńine qadam basqanymyzdy aıtyp, Úkimet pen oblys basshylaryna ekonomıkalyq damýdyń jańa modelderin qurýdy tapsyrdy. Bul jańa jobalardyń júzege asýyna, jańa jumys oryndarynyń ashylýyna múmkindik berdi. О́ńirimizde taıaý jyldarda 35 joba júzege asyp, 5500 adam jańa jumys ornymen qamtylady. Al bıyldyń ózinde 12 joba júzege asýy tıis. Mine, sol kózdelgen jobanyń alǵashqysy osy – «Rola-Iаn» kásiporny bolyp otyr. Jańa nysan qutty bolsyn. Osyndaǵy basshylar men jumysshylarǵa tabys tileımin!», – dedi oblys ákiminiń orynbasary T. Janke.
Munda táýligine 30 tonna ónim óndirýge múmkindik bar. Ázirge kún saıyn 25 tonna un kespesi daıyndalýda. О́nimderge elimizdiń barlyq aımaǵynan jáne Reseı, Qytaı, О́zbekstannan da suranys bar eken. Tipti, kórshiles qyrǵyz baýyrlarymyz da bul ónimdi tutynýǵa yqylasty. Kásiporynnyń bolashaǵy óte zor.