Bilim jáne ǵylym mınıstrligi qazaqstandyq mektepterdegi synyptarǵa Wi-Fi ornatýǵa baılanysty joba bastamaq. Bul týraly búgin Úkimet otyrysynda belgili boldy.
"Búginde ınternet kóp mektepterde bar. "Sandyq Qazaqstan" aıasynda biz osy máseleni qarastyrdyq. Taǵy bir mańyzdy jaǵdaı - ár synyptaǵy Wi-Fi ishki jelisi. Biz Qazaqstannyń barlyq mektepterin qurylymdy kabeldi júıemen qamtıtyn iri joba bastamaqpyz. Bul jumystardy atqarý úshin stýdentterdi jumysqa tartý oıda bar. Ol úshin alynatyn qajetti qurylǵylar qymbat turmaıtynyn atap ótý kerek", dedi bilim jáne ǵylym mınıstri Erlan Saǵadıev.
Sonymen qatar barlyq orta mektepterde ár oqýshyny shkaftarmen qamtý kózdelgen.
"2017 jylǵa berilgen bıýdjette mektepterdiń elý paıyzyn sapaly aýyz sýmen qamtý qarastyrylǵan", dedi mınıstr.