«Bıznestiń jol kartasy 2020» baǵdarlamasy júzege asyryla bastaǵaly beri (2010j.b) «Damý» Qory kásipkerlerdiń nesıe paıyzdary boıynsha 148 mlrd teńgege sýbsıdııa tólegen. Bul jobalar qatarynda óńdeý ónerkásibi salasyndaǵy 9 130 joba (31,34%), kólik jáne qoımaǵa saqtaý (24,78%), kóterme jáne bólshek saýda (10,89%), aýyl, orman jáne balyq sharýashylyǵy (7.13%), densaýlyq saqtaý jáne áleýmettik qyzmet bar(6,22%).
Shaǵyn jáne orta kásipkerlerdiń jobasy boıynsha qol qoıylǵan nesıelerdiń jalpy somasy 1 trln 721 mlrd teńgeni qurady.
Sýbsıdııalaýda belsendilik tanytqan óńirler - Pavlodar, ShQO, SQO, Aqtóbe jáne Qaraǵandy oblystary. Ekinshi deńgeıli bankterdiń aldyńǵy úshtigin «Qazaqstan halyq Banki» AQ, «Sberbank Rossıı» AQ EB jáne «Sentr Kredıt Bank» AQ bastap tur. Olar 8,5 myń sýbsıdııalaý jobalaryna qol qoıǵan. Nesıe qorjynynyń jalpy kólemi 1 trln 500 mlrd teńgeni quraıdy.
Kepilzat jetispegen jaǵdaıda beriletin «Damý» Qorynyń kepildemesin jalpy somasy 94 mlrd teńgelik 2 644 joba paıdalandy. Olardyń ishinde kepildeme somasy 40,5 mlrd teńgeni qurady.
Kepildeme berý boıynsha óńdeý ónekásibi alda tur. Bul salanyń úlesinde «Damý» Qory bergen kepildemelerdiń jalpy sanynyń 41%-y bar. Ekinshi orynda kólik jáne qoımaǵa saqtaý (14%), al aýyl sharýashylyǵy 8% quraıdy. Kepildeme berý jaǵynan ShQO, (205 kepildeme berilgen), Jambyl oblysy (203 kepildeme berilgen), Aqtóbe oblysy (196 kepildeme berilgen) alda keledi. Kepildemeniń somasy jaǵynan 3,8 mlrd teńgemen Astana kósh bastap tur. Ekinshi deńgeıli bankter arasynda kepildeme sany men somasy jaǵynan «Sberbank Rossıı» AQ EB men «Qazaqstan Halyq Banki» AQ alda tur.
2016 jyly kásipkerler 156,9 mlrd teńgeniń salyǵyn tólegen («Bıznestiń jol kartasy 2020» bıznesti qoldaý men damytýdyń birińǵaı baǵdarlamasy boıynsha).
Tólengen salyq kólemi jaǵynan birinshi orynda Almaty qalasy (28,8 mlrd. teńge) bolsa, odan keıin BQO (14,3 mlrd teńge), Qaraǵandy oblysy (14,2 mlrd teńge) tur.
О́ńdeý ónerkásibi salasynda jumys isteıtin kásipkerler 87,3 mlrd teńgeniń salyǵyn tólese, kólik pen qoımaǵa saqtaý salasynan 27,5 mlrd teńge túsken.