Almatyda ótip jatqan qysqy Ýnıversıada oıyndarynda short-trekten Qazaqstannyń erler quramasy 5000 metrlik estafeta saıysynda qola júlde jeńip aldy.
Bul jarysta Reseı, Qytaı, Ońtústik Koreıa jáne Qazaqstan quramasy synǵa túsken bolatyn. Bir aıta keterligi jeńimpazdar beıneqaıtalaý arqyly ǵana anyqtaldy. Osy arqyly ońtústikkoreıalyqtardyń ereje buzǵany belgili boldy.
Nátıjesinde altyn júlde Qytaı quramasyna buıyrsa, kúmisti Reseı sportshylary enshiledi. Al úzdik úshtikti Qazaqstan sportshylary túıindedi.
Bul básekede elimizdiń namysyn Abzal Ájiǵalıev, Aıdar Bekjanov, Denıs Nıkısha, Nurtilek Qajǵalıev jáne Nurbergen Jumaǵazıev qorǵady.