Almatyda ótip jatqan qysqy Ýnıversıada oıyndarynda hokkeıden Qazaqstan erler quramasy fınalda Reseımen kezdesip, 0:1 esebimen jeńildi.
Matchtyń alǵashqy eki kezeńinde birqatar qaýipti sát uıymdastyrylǵanmen, esep ashylmady. Jankúıerler jan alysyp, jan berisken tartysty básekeniń kýási boldy.
Kezdesýdiń sońǵy 20 mınýtynda jınaqylyq tanytyp, adýyndy shabýyldarǵa shyqqan Reseı quramasy 42-mınýtta alǵashqy ári jalǵyz shaıbany saldy. Danııl Ilınniń soqqysy kózdegen jerinen dál tabylyp, jeńisti goldy soqty.
Osylaısha, el qorjynyna kezekti kúmis júlde tústi. Al qola medal dál osy oıynnyń aldynda Kanada men Chehııa quramalarynyń arasynda sarapqa salyndy. Bul kezdesýde 4:3 esebimen basym túsken kanadalyqtar úshinshi orynǵa taban tiredi.
Aıta keteıik, 11 altyn, 8 kúmis, 17 qolamen jerlesterimiz jalpy esepte ekinshi orynda tur.