EKSPO-2017: Qonaqtarǵa qandaı qyzmet kórsetiledi?

EKSPO-2017 halyq­aralyq mamandandyryl­ǵan kórmesi elimizge úlken jaýapkershilik júkteıdi. О́ıtkeni, sharany tama­shalaýǵa bes mıllıon adam kelmek. Onyń 85 paıyzy qazaqstandyqtar bolsa, 15 paıyzy – sheteldik qonaqtar. Daıyndyq jumys­tary kún ótken saıyn qyza túsýde. Ásirese, ártúrli elden, aımaqtan keletin týrıster Astananyń qyzmet kórsetý salalarynan syn tappaýy tıis. Osyny maqsat etip qolǵa alynǵan sharýalardyń barysy qalaı júzege asýda?

Jatyn oryndardy brondaý jalǵasýda

Joǵarydaǵy bes mıllıon adam­dy jaıǵastyrý úshin 164 qonaq úı, 350 páter ázir tur eken. Endi 23 nysan ashylady. Astana ákimdiginiń esebinshe, qonaqtar men týrısterdi ornalastyrýǵa 35-40 myń tósek-oryn daıyn bolsa, 16 myńy qo­naq úıler men hos­telderde. JOO jataq­ha­na­larynda – 9 myń, jalǵa beri­letin turǵyn úılerde 18 myń oryn bar. Astana Konvenshn bıýrosynda aımaqtar men shet elderden keletin qonaqtardy ornalastyrý boıynsha brondaý bólimderi jumys isteıdi. Elorda ákimi Áset Isekeshev­tiń aıtýynsha, qazirge deıin 4190 qonaq úı men jataqhana bron­dalǵan. Tótenshe jaǵdaı depar­tamentine, UQK shekara qyz­metine, IIM aka­demııa­sy­nyń kýrsanttaryna, erik­ti­lerge, kórmege qatysýshy memle­ketter­diń­ ulttyq jáne aımaq­tar­dyń mádenı kúnderin uıym­dastyrýshylarǵa arnalmaq. «Kıng otel» qonaq úıinen 500 oryn IIM qyzmetkerlerine bólingen. Arnaıy ashylǵan «Recom­mended by EXPO-2017» saıty ar­qy­ly astanalyq kásip­kerler kór­mege kelgen qonaqtarǵa qyz­met kórsete alady. Biraq munda qyzmet kórsetý sapasy joǵary kásiporyndar ǵana tańdalady jáne olar kórmeni ótkizýde áriptes-seriktes te bola alady. Dál qazir «Recommended by EXPO-2017» árip­testik baǵdarlamasyna 136 nysan kirgen. Olardyń qataryn­da 35-55 qonaq úı men qoǵam­dyq tamaqtandyrý oryndary, 10 qyzmet kórsetý mekemesi, 4 kólik kompanııasy, 7 hostel jáne 24 apar­tament bar. «Baǵdarlama bo­ıynsha personaldyń biliktiligi, aǵylshyn tilin bilýi jáne týrıster úshin mázirdiń qoljetimdiligi talap etiledi. Qyzmet kórsetý bary­synda qandaı da bir kemshilik­ter bolsa ony joıýdyń joldary jónin­­degi usynystardy da qabyl­daýǵa ázirmiz. Buǵan osy saladaǵy barlyq uıymdardy belsene qatysýǵa shaqyramyn», deıdi qala basshysy.

«Astana Taksı» baǵdarlamasynyń artyqshylyǵy bar

EKSPO qonaqtary kórmemen birge, qalany aralap, túrli shara­larǵa qatysýy kerek. Bul oraıda, negizgi salmaq kólik júıesine túsedi. Sondyqtan, qoǵamdyq jáne arnaýly qyz­mettik kólikter men taksı qyz­metin durys uıym­dastyrý ma­ńyzdy. «Bus Lane» qosymsha bólin­gen qozǵalys jolaqtary esebi­nen jyl­dam júrý qamtamasyz etiledi. Sonymen qatar, arnaıy tirkelgen taksı kólikteriniń júrýi zańnamamen rettelmek. Asta­na qalasy jolaý­shylar kóligi bas­qarmasynyń basshysy Bek­myrza Igenberdınovtiń málimetin­she, kórme qonaqtaryn tasıtyn avto­býstar sany mamyr aıynan bastap kóbeıedi. «Kún saıyn 83 myńnan astam jolaýshyǵa qyzmet kórsetýdi qamtamasyz etetin jeti jańa «Shuttle Bus» marshrýty ashylady. Sonymen qatar, EKSPO aýmaǵynan ótetin qoldanystaǵy 11 baǵyttyń kúndelikti tasymalyn kúsheıtý arqyly ýaqyt ara­lyǵyn 5-7 mınýtqa tómendetý qarastyrylǵan», deıdi ol. EKSPO kórmesin ótkizýge da­ıyn­dyq aıasynda «Astana Taksı» jańa baǵdarlamasy iske qo­syl­­ady eken. Bul shara bo­ıyn­­­sha shaǵyn jáne orta bız­nes ókil­derine otan­dyq kólik ón­dirý­­shil­erden jeńil­detilgen pa­ıyz­­ben avtomobıl satyp alý qarastyrylǵan.

Azyq-túlik kórshi elderden de aǵylady

Kórme kezinde turǵyndar men qonaqtardy azyq-túlikpen qam­tamasyz etetin keshendi shara­lar da qolǵa alynbaq. Qazirgi tańda Astana halqy kúnine shamamen 1,5 myń tonna taǵam ónimin tutynady desek, EKSPO ýaqytynda 160 000 tonna azyq-túlik ónimi tuty­nyla­dy dep boljanýda. Elorda­daǵy «Sapa logistics», «Astyq logıstık», «Continental Logistics» jáne «Mır Krýp» sekildi iri kásip­oryn­dar­da azyq-túlik saqtaý oryndary 42 myń shar­shy metrge deıin jetedi. Buǵan qosa, basqa kásip­oryndardaǵy qoımalardyń 42500 tonnaǵa deıin ónim saqtaý múmkindigi bar. Aýyl sharýashylyǵy basqarma­sy­nyń basshysy Ardaq Dosanov­tyń aıtýynsha, qazir saýda-logıstıkalyq operasııalardyń biryńǵaı jumys reglamentin py­syq­taý kózdelýde. Iri jáne orta saýda jelilerine ÁKK jáne О́ńirlerdi qarjylandyrý baǵ­dar­lamasy aıasynda kúrish, qant, qaraqumyq sekildi taýar­lar­dy satyp alýǵa nesıe berý qolǵa alyndy. «EKSPO kezin­de ońtústik óńirlerden, О́zbek­stan jáne Qyrǵyzstan elderine azyq-túlik taýarlaryn úzdiksiz jet­kizý boıynsha saýda-ekono­mıka­lyq yntymaqtastyq týra­ly memorandýmǵa qol qoıyldy. Aýylsharýashylyq jármeńkesine mamandandyrylǵan saýda alań­dary qurylady. Onda shara­lar uıym­dastyrýǵa ótinim biryńǵaı elekt­rondy portal arqyly júre­di», deıdi A.Dosanov. Jalpy, Astana qalasynda 156 meıramhana, 460 kafe, 27 ashana jáne 7 kópshilik tamaqtaný orny bar. Bular bir mezette 165 myń adam­dy qamtı alady.

Otbasylyq demalystarǵa kóńil bólinedi

Kórme kezinde mádenı shara­lar qalaı órbıdi? Qala ákimdiginiń máli­metinshe, keshendi mádenı baǵ­darlamada qazaqstan­dyq, shet­el­dik shyǵarmashylyq ujym­dar­dyń jáne talantty jastardyń qatysýymen 7 myń­­nan astam túrli formattaǵy is-sharalar ót­kizý qarastyrylǵan. Úsh aı boıy qyzyqty ári ádetten tys keshter uıymdastyryl­maq. Bas qaladaǵy teatrlar men saıabaqtar sh­tat­tyq rejimde jumys isteıdi. Astanalyq­tar men qonaqtar Esil ózeninde kún saıyn lazerlik shoý­dy tamashalaıdy. Buǵan reseı­lik sýburqaqtar sırki arnaıy shaqy­rylǵan. Taǵy aıta keterligi, otbasylyq demalystar ótkizýge ekpin beriledi. EKSPO-2017 halyqaralyq kórmesi ótetin ýaqytta mádenı, oıyn-saýyq shara­laryn ótkizýge «Astana EKSPO-2017» ulttyq kompanııasy» AQ, Mádenıet jáne sport mınıstrligi jáne Astana qalasy ákimdigi jaýapty bolyp bekitilgenin aıta ketpekpiz. Ashat RAIQUL, «Egemen Qazaqstan»