Qazaqstan Japonııada ótetin qysqy Azııa oıyndaryndaǵy alǵashqy jarystaryn 18 aqpanda bastaıdy, - dep habarlaıdy QazAqparat.
19-26 aqpan aralyǵynda ótetin VIII qysqy Azııa oıyndarynyń alǵashqy irikteý saıystary jarystyń resmı ashylý saltanatynan bir kún buryn bastalady. Onda Qazaqstannyń kerlıngten erler jáne áıelder quramalary óner kórsetedi. Erler arasyndaǵy komandalyq jarys jergilikti ýaqytpen saǵat 13:30-16:30 aralyqtarynda ótedi. Al áıelder arasyndaǵy doda 9:00-12:00 jáne 18:00-21:00 aralyqtarynda ótpek.
Esterińizge sala keteıik, Sapporada jarystar sporttyń 11 túrinen ótedi. Bul: bıatlon, taý shańǵysy,kerlıng, konkımen júgirý, shańǵy jarysy, shańǵymen tuǵyrdan sekirý, snoýbord, mánerlep syrǵanaý, frıstaıl (mogýl), shaıbaly hokkeı jáne short-trek. Qazaqstandyqtar atalǵan sport túrleriniń barlyǵynda baq synaıdy.