WBA (Super), IBO, WBC jáne IBF tujyrymdary boıynsha orta salmaqta álem chempıony Gennadıı Golovkın jattyǵý jumystary jaıly oı bólisti. Bul týraly sports.kz habarlady.
«Bul – meniń jattyǵý zalyndaǵy ekinshi aptam. Boksqa degen qushtarlyǵym sondaı, daıyndyqtan sharshap kelgenimniń ózi bir keremet. Bul jyl men úshin jaqsylyqtarǵa toly bolady dep úmittenemin. Kún ótken saıyn kóbirek jattyǵyp, sheberligimdi arttyra tússem deımin. Osy meniń basty motıvasııam. О́zgeler úshin qıyn bolýy múmkin. Biraq óz isine berilgen jandarǵa bul da bir lázzat», – dedi Golovkın.
Aıta keteıik, 18 naýryz kúni AQSh-tyń Nıý-Iork qalasyndaǵy Madison Square Garden arenasynda Gennadıı Golovkın men Dennıel Djeıkobs arasyndaǵy kezdesý ótedi.