13 aqpan kúni oblys ákimi Qyrymbek Kósherbaevtyń qatysýymen Qyzylorda qalasy ákimi Nurlybek Nálibaevtyń halyq aldyndaǵy dástúrli esepti kezdesýi ótti.
Nurlybek Nálibaev kásipkerlikti damytý men jańa jumys oryndarynyń ashylýy, áleýmettik mańyzy bar nysandar men memlekettik baǵdarlamalardyń júzege asyrylýy, qoǵamdyq qaýipsizdikti qamtamasyz etý, sondaı-aq áleýmettik salalardy qoldaý boıynsha atqarylǵan jumystardy baıandady. Sońǵy 4 jylda oblys ortalyǵynyń bıýdjeti 2 esege artyp, 8 mlrd. teńgeden 16 mlrd. 618 mln. teńgege ulǵaıdy. О́nerkásip kásiporyndary ótken jyly 480 mlrd. 53 mln. teńgeniń ónimderin óndirdi. Negizgi kapıtalǵa salynǵan qarjy kólemi 146 mlrd. teńgeni qurap, oblysqa salynǵan barlyq ınvestısııanyń 67,9 paıyzyn qurady. sońǵy 4 jylda qala boıynsha 3 mlrd. 61 mln. teńgege, 121 kópqabatty turǵyn úı kúrdeli jóndeýden ótti. Oblystaǵy qurylystyń 80 paıyzy Qyzylorda qalasyna tıesili. Sonymen qatar 20 myńǵa jýyq adam jumyspen qamtamasyz etildi. Nátıjesinde oblys ortalyǵynda 11 shaǵyn aýdan boı kóterip, 7 myń turǵyn baspanaly boldy.
Sondaı-aq Nurlybek Nálibaev turǵyndardyń saýaldaryna jaýap berip, qalany damytýǵa baılanysty usynystaryn tyńdady.
Qyzylorda oblysynyń ákimi Qyrymbek Kósherbaev qala ákimdiginiń atqarǵan jumystaryna oń baǵa berip, bolashaqta turaqty jáne uzaq merzimdi ekonomıkalyq ósimdi qamtamasyz etý úshin kóp jumystar atqarylýy tıis ekendigin atap ótti.