«Berekeniń» qurylysy berekesiz bolypty

Atyraý oblysynda ót­ken jyly 284 nysan paı­dalaný­ǵa berildi. Onyń ishinde 15 turǵyn úı bar. Oblystyq memlekettik sáýlet-qurylys baqy­laý basqarmasynyń ınspek­tor­lary bıýdjettik tur­ǵyn úı qurylystaryna baqy­­laý júrgizip otyrady. Byl­­tyr­dyń ózinde 300-ge jýyq nysan tekserilgen eken, qurylys materıaldary­nyń sapasy talapqa saı kelmeıtin 49 ny­san­da­ǵy kemshilikterdi joıý jóninde eskertý jasalypty. Memlekettik sáýlet-qury­lys baqylaý basqarmasy bas­shysynyń mindetin atqa­rý­shy Asylbek Omarqulovtyń aıtýynsha, problema negizinen bas merdiger, avtorlyq jáne tehnıkalyq qadaǵalaý qyz­met­kerleriniń jumysqa sal­ǵyrt qaraýlarynan bola­d­y eken. Mysaly, «Bereke» sha­­ǵyn aýdanyndaǵy qury­lys-montaj jumystary kezin­de qurylysshylardyń óres­kel qatelik jibergeni anyq­ta­lyp, 3 mln 500 myń teńge kóle­min­de ákimshilik aıyppul salynǵan. О́tken jyly basqarma qyz­metkerleri quzyrly organ­darmen birlesip, 26 ny­san­dy tekserýge qaty­syp­ty. Anyq­talǵan kemshilikter boıyn­sha qurylys mekeme­leri men jeke kásipkerler ákim­­shi­lik jaýap­kershilik­ke tar­tyl­dy. «Aıyppuldyń jalpy kóle­mi 8 738 520 teńge bol­dy. Teh­nıkalyq qada­ǵalaý jasa­ǵan úsh sarap­shyǵa attes­tat­­tarynyń jaram­dylyǵyn toq­tatý jáne aıyp­pul salý shara­lary qol­danyldy», deıdi A.Omarqulov. Baqytgúl BABASh, «Egemen Qazaqstan» ATYRAÝ