Yqpaldastyq raıyndaǵy sapar

Qarjy mınıstri Baqyt Sultanovtyń basshylyǵymen qazaq­stan­dyq delegasııa Izraıl memleketinde bolyp qaıtty. Delegasııa quramynda mınıstr B.Atamqulov bastaǵan Qor­ǵanys jáne aeroǵarysh son­daı-aq Qorǵanys mınıstr­lik­­­teriniń, t.b. uıym­­dardyń ókil­deri boldy. Sapar barysynda Qarjy mı­nıstri Baqyt Sultanov Izraıl Qarjy mınıstri Moshe Kah­lon­men, Izraıl Syr­tqy ister mı­­nı­str­liginiń bas­shy­ly­ǵymen kez­desti. Qazaqstan-Izraıl birlesken komıssııasy Qazaqstanǵa ın­ves­­tı­­sııa­lardy tartý jáne biz­diń memle­ketterde bıznes júr­gi­zý sharttaryn jasaý úshin qu­ral­dardyń biri bolyp ta­by­­lady. Osyǵan baıla­nys­ty, B.Sultanov birlesken ko­mıs­sııa­nyń teńtóraǵasy retinde bız­­­nes qaýymynyń ókilderimen kez­­desti. Sonymen qatar, Qazaqstan­nyń Qarjy mınıstrliginiń ókil­de­rimen Izraıl úkimetinde Merkava joba­syn iske asyrý my­salynda jal­py servıstiń mem­lekettik orta­lyǵyn qu­rý, bıýdjettik josparlaý pro­­­­sesterin, memlekettik ak­tıv­terdi, memlekettik satyp alý­­­dy basqarýdy avtomattandy­rý tájirıbesi qarastyryldy. Budan basqa, aqparattyq-kommý­nıkasııalyq salada sarapshylar deńgeıinde «Sıfr­ly Qazaqstan» jáne «Sıfrly Izraıl» memlekettik baǵ­dar­lamalar sheń­be­rinde ynty­maq­­tastyqta qol jet­kizildi. Ag­ro­­­­teh­­­nologııalar sa­la­synda Aý­yl sharýashylyǵy mınıstr­li­­­­g­i­niń sarapshylary tehnolo­gııa­­­­lar transferti aıasynda já­ne birlesken kásiporyndar qu­rý boı­­ynsha qazaqstandyq já­ne ız­raıldik agrarıılerdiń or­taq yntymaqtastyǵy úshin múm­kin­dikter qarastyryldy. Den­saý­lyq saqtaý salasynda Qazaqstan­nyń Densaýlyq saqtaý mınıstrligi sa­rap­shy­larynyń biliktiligin kó­te­rý, Qazaqstanda ız­raıldik sa­­rap­shylardyń she­ber­lik-sa­baq­taryn ótkizý, qa­zaq­stan­dyq ýnı­­versıtettik klınıkalardy ızraıl­dik kom­panııalardyń basqarýyna berý máseleleri talqylandy, dep ha­barlady Qarjy mınıstrliginiń baspasóz qyzmeti.