Qyrǵyzstannyń birqatar óńirlerindegi jergilikti dúkenderde alkogoldi ishimdikter satýǵa tyıym salyna bastady, dep habarlaıdy e-islam saıty Umma jýrnalyna silteme jasap.
Alkogol ónimderine eń alǵash ret 2008 jyly Osh oblysy Qaraqy aımaǵy tyıym salǵan. Budan keıin respýblıka boıynsha 30 dúken sórelerinen spırtti ishimdikter túgeldeı alynǵan.
«Basty maqsat – jastardy alkogolge táýeldilikten qorǵaý jáne osyǵan baılanysty týyndaıtyn qylmystyń aldyn alý. Spırt ónimderine tyıym salý týraly bastamany kóbine jergilikti turǵyndar kóteredi. Olardyń usynysyn jergilikti bılik ókilderi, ımamdar men saýda oryndary ıeleri de qoldaý bildirip keledi» delingen saıt materıalynda.
Chaıcha, Alp-Ordo, Kara-Tash, Mady men Qyzyl-Sýý aýdany turǵyndary 2015 jyldan beri óz óńirlerinde alkogol ónimderiniń satylýyna qarsylyq bildirgen. Munan keıin Qyrǵyz-Ata Nookat aýdanynyń jeti birdeı aýyly, Alaı aýdany Kırov aýyly da osy bastamany jalǵastyrlǵan. Sondaı-aq, jergilikti ákimdik te qoldaý kórsetken.
2017 jyldyń aqpan aıynda Qara-Qulja aýdany Alaıkýý aýylynda da alkogolge tyıym salyndy.