Reseı Federasııasyndaǵy Qazaqstan Respýblıkasynyń Tótenshe jáne О́kiletti Elshisi Imanǵalı Tasmaǵambetov RF Prezıdenti Vladımır Pýtınge senim gramotacyn tabystady, dep habarlaıdy «QazAqparat».
18 shet memleketten kelgen elshilerdiń qatysýymen ótken resmı saltanatty shara Úlken Kreml saraıynyń Aleksandr zalynda ótti. Dástúr boıynsha Pýtın 18 memlekettiń elshisine Reseıdiń qarym-qatynasy týraly qysqasha aıtyp ótti. Qazaqstan týraly RF prezıdenti HHI ǵasyrdaǵy tatý kórshilik pen odaqtastyq týraly shart negizinde túrli salalardaǵy yntymaqtastyqty nyǵaıtýdaǵy ekijaqty umtylysty atady.
«Qazaqstan - bizdiń senimdi dosymyz jáne strategııalyq odaqtasymyz. Jaqynda Prezıdent Nursultan Ábishuly Nazarbaevpen bolǵan kelissózder barysynda HHI ǵasyrdaǵy tatý kórshilik pen odaqtastyq týraly Shart negizinde túrli salalardaǵy yntymaqtastyqty nyǵaıtýdaǵy ekijaqty umtylys maquldandy», - dep Pýtın TMD, Eýrazııalyq ekonomıkalyq odaq, UQShU jáne Shanhaı Yntymaqtastyq Uıymy aıasynda belsendi birlesken jumystar júrgizilip jatqanyn atap ótti.
«Postkeńestik keńistiktiń ıntegrasııalyq prosesterindegi Prezıdent Nazarbaevtyń kóshbasshylyq rólin joǵary baǵalaımyz», - dedi RF prezıdenti.