Shırek fınalǵa shyqqandar anyqtaldy

ÝEFA Chempıondar lıga­synyń 1/8 fınalynyń barlyq kezdesýleri aıaq­taldy. Osy aptada taǵy tórt oıyn ótti. Shı­rek fınalǵa shyqqan «Bar­selona», «Real», «Ba­varııa», «Borýssııa D» koman­dalarynyń qata­ryna «Lester», «Monako», «Iýventýs», «Atletıko» klýbtary qosyldy. Fýtboldyń tabys kózine aınalyp ketkeni jasyryn emes. Chempıondar lıgasy da kommersııalyq týrnır. Mundaı joǵary dárejeli básekede qar­jysy kóp komandalardyń alys­qa shabatyny jasyryn emes. О́tken jyly kútpegen jerden Anglııa premer-lıgasyn utyp alǵan «Lester» bıyl Eý­ro­panyń bedeldi týrnıriniń úz­dik segizdiginiń qataryna enip otyr. «Lester» toptyq kezeńde «Brıýgge», «Kopengagen», «Por­tý» sekildi Eýropanyń ortań­qol komandalaryn artqa tastap, pleı-offqa birinshi orynmen shyqty. 1/8 fınalda jerebe Ispanııanyń «Sevılıa» klýbymen jolyqtyrdy. Úsh jyl qatarynan Eýropa lıgasyn utyp alǵan «Sevılıany» bul juptyń favorıti sanaǵandar kóp boldy. Alǵashqy oıynda Pıreneı túbeginiń komandasy 2:1 esebimen jeńiske jetti. Sol matchta alań ıeleri sapynan Hoakın Korrea penaltı soǵa almaǵan bolatyn. Osy oıynnan keıin byl­tyrǵy jylǵy «Lesterdiń» tań­ǵajaıyp jetistiginiń avtory, bas bapker Klaýde Ranerı qyzmetinen ketti. Onyń ornyna Kreıg Shekspır taǵaıyndaldy. Syrttan kelgen emes, klýbtyń óz ishinde júrip jetilgen maman. Segiz jyl boıy «Lester» klý­bynyń otymen kirip, kúlimen shyqqan tájirıbeli bapker. Quddy Ranerıdiń ketkenin qalap júrgendeı «Lester» qata­rynan úsh kezdesýde jeńiske jetip úlgerdi. Ishki chempıo­natta «Lıverpýl» men «Hal Sıtı» klýbtaryn qapy qal­dyrdy. Chempıondar lıgasynda «Sevılıanyń» osal tusyn taýyp, kelesi kezeńge jol­dama aldy. «Kıng Paýer» stadıo­nyn­daǵy oıynda eki taımda eki gol soǵyldy. Aldymen Ma­rezdiń pasyn qorǵaýshy Ýeslı Morgan óz keregine jaratty. Úzilisten keıin Mark Olbraıton mergendik tanytty. Matchtyń 74-mınýtynda Vardıdiń arandatýyna aldanyp qalǵan Samrı Nasrı ekinshi sary qaǵazyn alyp, alańnan qýyldy. Sóıtip, «Sevılıa» 10 oıynshymen qaldy. Degenmen, esepti qys­qartatyn múmkindikteri bolǵan edi. Alaıda, bul joly penaltıden Stıven N’Zonzı múlt ketti. Sóıtip, «Lester» qaqpashysy Kasper Shmeıhel eki matchta qatarynan penaltı qaıtardy. Týrınniń «Iýventýs» komandasyna jerebe joldas bolǵan tárizdi. Massımılıano Allegrı shákirtteri «Portýmen» kezdesip, eki oıynda 3 gol soǵyp, qaqpalaryn «qurǵaq» ustady. Jaýapty oıynda Dıbalanyń penaltıden soqqan goly alań ıelerine jeńis ákeldi. Portý­galııanyń eki komandasy da jarysty 1/8 fınaldan aıaqtady. Munyń aldynda «Benfıka» Germanııanyń «Borýssııa D» klýbyna jol bergen bolatyn. «Lester» sekildi alǵashqy oıynda utylǵanymen, qarymta matchta máseleni sheship, shırek fınalǵa joldama alǵandardyń qatarynda «Monako» da bar. Alǵashqy kezdesýde Hosep Gvar­­dıola jattyqtyratyn «Man­­chester Sıtıge» (5:3) ese ji­­bergen Fransııa klýby bul joly aǵylshyndardy 3:1 ese­bimen utty. Eki koman­danyń goldarynyń birdeı bol­ǵanymen, óz alańynda bir ǵana dop jibergen «Monako» kelesi kezeńge ótti. Eýropadaǵy fýtbol mamandary «Anrıdiń izbasary» dep atap júrgen 18 jastaǵy shabýylshy Kıllıan Mbappe bul oıynda da kózge tústi. Bir kezderi 160 mıllıon eýroǵa Falkao, Hames Rod­rıges, Joaý Moýtınıý sekil­di juldyzdardy satyp alyp, sýperklýb jasaǵysy kelgen «Monako» prezıdenti Dmı­trıı Rybolovlev 2014 jyly bul kózqarasyn ózgertti. Buryn­ǵydaı juldyzdardy emes, akademııa túlekterine nazar aýdarý kerektigin túsindi. Sol fılosofııa kóp ýaqyt ótpeı, óz jemisin bere bastady. Bıylǵy maýsymda «Mona­konyń» shabýyl shebi Eýropada tek «Barselonaǵa» ǵana jol beredi. Áıtpese, 29 oıynda 84 gol soǵyp, tóske órlep tur. Qazirdiń ózinde Bernardý Sılva, Fabıno, Temýe Bakaıoko, Toma Lemar, Benjamen Mendı, Kıllıan Mbappe sekildi talant­tarǵa «Real», «Manchester Iýnaı­ted», «Arsenal» sekil­di ko­mandalar erekshe qyzyǵý­shylyq tanytyp jatyr. Atalǵan jas fýtbolshylar «Manchester Sıtıdiń» Agýero, Davıd Sılva, Kevın de Breıne bastaǵan jul­dyzdaryn toqtata aldy. Mun­daıda tek rızalyqpen qol soǵý kerek shyǵar! Sońǵy jupta «Atletıko» men «Baıer» kezdesti. Bar má­sele Germanııadaǵy alǵashqy oıynda 4:2 esebimen sheshilip qoıǵan bolatyn. Sondyqtan, Madrıd komandasy gol soǵýǵa asyqpady. Al qorǵanysta saýatty oınap, kelesi kezeńge ótti. Bek TО́LEÝOV, jýrnalıst ASTANA