Onkologııalyq dıspanser emhanasy qurylysyna qarjy kerek

Kókshetaý qalasyndaǵy Aqmola oblys­tyq on­kologııalyq dıspanseriniń ǵıma­raty 1990 jyly salynyp, paıdalanylýǵa berilgen bolatyn. Sol kezde jobada dıs­panserdiń emhanasyn salý qaras­­­tyryl­maǵandyqtan, qazir halyqqa ambý­la­torııa­lyq-emhanalyq kómektiń 10 túri dıspanserdiń stasıonarlyq emdeý korpýsynyń beıimdelgen 6 kabınetterinde kezekpen kórsetilip keledi. Bul jaǵdaı onkologııalyq kómek kórsetý, pasıent­terdi qarap-tek­serý sapa­syna, sondaı-aq, bar­­lyq bólim­she­lerdiń palatalarynda tósek ornynyń tyǵyz bolýyna ákelip soqtyryp otyr. Sanıtarlyq-epıdemıologııalyq normalarǵa da esh sáıkespeıdi. Qazaqstan Respýblıkasynda onko­lo­­gııalyq qyzmetti damytýdyń 2012-2016 jyldarǵa arnalǵan baǵ­da­rlamasynyń aıasynda birqatar medıs­ı­nalyq jabdyqtar (kompıýterlik tomo­graf, rentgen-apparat jáne endo­vı­deo­skopııalyq jabdyqtar ) alyn­ǵa­ny­men, emhananyń joqtyǵynan sol jab­dyq­tardy aýrýhananyń ashanasy­na or­nalastyrýǵa týra kelgen. Endi ashana joq. Qazirgi ýaqytta, naýqastar óz pal­atalarynda jáne bólimshelerde beıim­delgen oryndarda tamaqtanady. Baǵdarlamaǵa saı onkologııalyq dıspanserdiń bazasynda onkologııalyq naýqastarǵa qalpyna keltirý jáne pal­lıatıvti kómek kórsetý bólimshesin ashý kózdelgen. Biraq, bos úı-jaılardyń bolmaýynan bul kómek oblys ortalyǵynan 20 kılometr jerdegi aýyldyq dárigerlik ambýlatorııa bazasynda kórsetilip keledi. 2011 jyldan bastap onkologııalyq naýqas­tarǵa stasıonardy almastyrýshy kómek kórsetý uıym­dastyryldy. Búgingi tańda, 25 tósektik orynda emdeý júrgizilýde, emdelýshiler sany 4 esege ulǵaıǵan. Kúndizgi stasıonarda negizinen Kókshetaý qalasynyń pasıentteri em alýda, al pansıonat bolǵan jaǵdaıda kómektiń osy túri oblystyń shalǵaıdaǵy aýdan turǵyndaryna da qoljetimdi bolar edi. 2015 jyldyń aqpan aıynda memleket­tiń saraptamasymen jobalaý-smetalyq qujatta­many ázirleý aıaqtalyp, buǵan 16,5 mıllıon teńge qarjy shyǵaryl­dy. Jobalaý-smetalyq qujatqa sáıkes, medısınalyq jabdyqtar satyp alýdy qosqanda, barlyq jumystardyń quny 2,6 mıllıard teńgeni quraıdy. Jańa emhana qurylysynyń jobasynda pansıonat ta kózdelgen. Jobalaý-smetalyq qujattyń merzimi 2018 jyldyń aqpan aıynda aıaqtalady. Mine, osy jaǵdaıdy jáne Aqmola oblysynyń sýbvensııalyǵyn eskere otyryp, Úkimet Kókshetaý qala­synda aýysymyna 150 adamdy qabyldaýǵa arnalǵan onkologııalyq dıspanser emhanasynyń qurylysyn 2017 jyly qarjylandyrsa, óte bir saýapty is tyn­dyrǵany bolyp shyǵar edi. Jabal ERǴALIEV, Rashıt ÁKIMOV, Senat depýtattary