Tashkentte "Qazaqstan Temir Joly" AQ" UK men «Ýzbekıston temır ıýlları» AQ delegasııalarynyń kezdesýi aıaqtaldy, dep habarlady «Jolaýshylar tasymaly» AQ baspasóz qyzmeti.
Sharada buryn eki el úkimetteri ýaǵdalasqan № 1/2 «Almaty-Tashkent» halyqaralyq júrdek poıyzyn shyǵarý týraly kelisimdi júzege asyrýdyń tehnıkalyq tustary talqylandy. Kezdesý qorytyndysy boıynsha tómendegi máseleler pysyqtalyp, sheshimin tapty:
múmkindigi shekteýli jandar men olardy alyp júretin adamdarǵa arnalǵan oryndarǵa 70% kóleminde ózara jeńildik berý týraly;
qol júkteri men júk bagajdaryn tasymaldaý tártibi týraly;
№ 1/2 «Almaty-Tashkent» júrdek poıyzynyń qatynaý kestesi týraly jáne t.b.
Naýryz merekesiniń qarsańynda jańa turpattaǵy keń kýzovty «Tulpar-Talgo» vagondarynan turatyn № 1/2 «Almaty-Tashkent» júrdek poıyzynyń jolǵa shyǵatynyn esterińizge salamyz.
Poıyz Almatydan dúısenbi men senbi kúnderi, al Tashkentten seısenbi men jeksenbi kúnderinde qatynaıtyn bolady. Jolda júretin ýaqyty shamamen 16 saǵ 30 mınýt. Aıaldaıtyn beketteri: Otar, Shý, Taraz, Shymkent, Saryaǵash jáne Tashkent.