Oralda aldaǵy úsh jylda apatty dep tanylǵan 41 turǵyn úı buzylady, dep habarlaıdy 24.kz. Tozyǵy jetken 5 úıdiń ornyna qazir qurylys jumysy bastalyp ketti. Jyl sońyna deıin taǵy 5 úı buzylady. Olardyń ornyna jekemenshik-memlekettik seriktestigi baǵdarlamasy aıasynda kópqabatty úıler boı kóteredi. Eski úıdiń turǵyndaryna jańa nysannan páter berý kózdelgen.
Bıyl apatty jaǵdaıda turǵan bilim oshaqtarynyń máselesi de tolyq sheshilýi tıis. Qazir qaladaǵy 1961 jyly salynǵan 300 oryndy kóne mektep súrilip jatyr. Bul nysannyń quny 1 mlrd teńgege jýyqtaıdy. Qarjy respýblıkalyq bıýdjetten bólingen. Merdiger kásiporyn qurylysty osy jyldyń jeltoqsan aıynda aıaqtaýdy josparlap otyr.