Jýrnalıstermen suhbat kezinde Qazaqstan Prezıdenti Nursultan Nazarbaev qazirgi ýaqytta úkimetke "Informasııalyq Qazaqstan" atty baǵdarlamany daıyndaý týraly tapsyrma berilgenin aıtty.
"Baǵdarlama daıyndalyp, bıylǵy jyldyń ortasynda qabyldanady. Bul ońaı is emes. Biz mundaıdy jasap kórgen emespiz. Jańadan jumysqa kiriseıin dep jatyrmyz", - dedi Nazarbaev.
Sondaı-aq, Memleket basshysy qazirgi jahandyq daǵdarysqa aldyn-ala daıyndyq júrgizilgenin aıtty. "Indýstrııaldyq baǵdarlama arqyly 1000 mekeme iske qosylyp, kóptegen jumys orny ashyldy. Bul aldymyzda turǵan qıynshylyqtarǵa jaýap degen sóz. Byltyr bir jyldyń ishinde eksport taýarlarymyz úsh ese tómendep ketedi dep kim oılady? Eshkim de oılaǵan joq. Dúnıejúzine belgili sarapshylardyń eshqaısysy bul krızısti boljaǵan joq", dedi Prezıdent.
Sondaı-aq, Memleket basshysy aldyn-ala qamdanbaǵanda, elimizde jaǵdaıdyń óte nashar bolýy múmkin ekenin aıtty.