Talǵar aýdanynda jańa mektep salynyp jatyr

Talǵar aýdanynda «Nurly jol» baǵdarlamasy aıasynda jańa mektep salynyp jatyr. Úsh aýysymda oqytý máselesin sheshetin bilim oshaǵy kelesi oqý jylynda Belbulaq aýylynda boı kóteredi, dep habarlaıdy BNews.kz. Qazir aýyldaǵy qoldanystaǵy mektepte 566 bala oqıdy. Oqýshylar sanynyń turaqty artýyna baılanysty balalar ázirge úsh aýysymmen oqytylady. Oǵan qosa, 200-ge jýyq bala jaqyn jerdegi aýyldarǵa baryp-kelip oqıdy. Osy máseleniń túıinin tarqatý maqsatynda bıylǵy jyldyń mamyr aıynda 600 orynǵa arnalǵan qosymsha ǵımarattyń qurylysy bastalǵan bolatyn. Bul ǵımarat kelesi jyly paıdalanýǵa beriledi. «Búgingi kúni Belbulaq aýylyndaǵy mekteptiń qurylysy qarqyndy júrip jatyr. Aldaǵy ýaqytta bilim mekemesimen tek jergilikti balalardy ǵana emes, kórshi aýyldardaǵy balalardy da qamtýdy josparlap otyrmyz. Bul – úsh aýysymdy oqytý máselesin sheshýge yqpal etedi», – deıdi Talǵar aýdanynyń ákimi R.Sadyqova