Qurlyqtyq hokkeı lıgasynyń turaqty chempıonatynda Astananyń «Barysy» óz aıdynynda Qytaıdyń «Kýnlýn Red Star» komandasyn qabyldap, 4:1 esebimen jeńiske jetti.
Kezdesýdiń bar-joǵy ekinshi mınýtynda aıdyn ıeleri esep ashyp úlgerdi. Shabýyl shebinde óner kórsetetin Nıkıta Ivanovtyń soqqysyna qaqpashy tosqaýyl bola almady. Arada úsh mınýt óter-ótpes, kanadalyq qorǵaýshy Kem Barker esepti eseleı tústi.
Ekinshi kezeńde «Kýnlýn Red Star» komandasynyń sapynan fransýz shabýylshysy Damen Flerı 30-mınýtta esepti qysqarta bildi.
Al sońǵy 20 mınýtta «Barys» aıtarlyqtaı basym boldy. Aldymen 45-mınýtta Naıdjel Doýs qarsy qaqpaǵa tórtinshi shaıbany soqqan bolsa, matchtyń aıaqtalýyna eki mınýt qalǵanda, 58-mınýtta Roman Starchenko kezdesýdiń núktesin qoıdy.
Enshisinde 45 upaıy bar «Barys» Shyǵys konferensııasynda 7-orynǵa kóterildi. Kelesi oıynyn 25 qarashada «Admıral» komandasyna qarsy ótkizedi.