Almatyda Nursultan Nazarbaevtyń «Qazaqstandyq jol» atty Braıl shrıftimen basylǵan kitabynyń tanystyrylymy ótti, dep habarlady QazAqparat. «Memleket basshysyn qoldaý masatynda Elbasynyń kitaptaryn basyp jatyrmyz. Búgin biz qalyń kópshilikke tanystyrý úshin Nursultan Nazarbaevtyń «Qazaqstandyq jol» atty kitabyn alyp kelip otyrmyz», – dedi áleýmettik qorǵaý salasyndaǵy oblystyq úılestirý keńesiniń otyrysynda «Zaǵıp jáne nashar kóretin azamattarǵa arnalǵan respýblıkalyq kitaphana» RMK dırektorynyń orynbasary Maqsut Jumabekov. Kitaptyń túpnusqasy 356 betten turady. Alaıda, ony Braıl shrıftimen basqan kezde kitaptyń paraqtarynyń sany kóbeıip, 1080 betti qurady. Sonymen qatar kitap sıfrly formatta jetkizildi. Ol jalpaǵynan basylǵan túpnusqadan aýmaıdy. Osyǵan qaraı bul kitap 356 betten turady. Aýdıokitaptyń uzaqtyǵy 20 saǵattan asady. Kitap barlyq álemdik standarttarǵa saı. Braıl shrıfti zaǵıp jandar men nashar kóretin azamattarǵa arnalǵan.
•
23 Qarasha, 2016
Almatyda Elbasynyń kitaby tanystyryldy
182 ret
kórsetildi