Qaraǵandy oblysynda «Uly Dala eli – Táýelsizdiktiń 25 negizi» atty 25 juldyzdy kún aksııasy qyza tústi. Osy sharalardyń aıasynda «Qaraǵandy oblysynyń Táýelsizdik jyldaryndaǵy jetistikteri» atty kórme ashylyp, ol 15 jeltoqsanǵa deıin jumys isteıdi.
«25 juldyzdy kún» ishinde, sonymen qatar, ónerkásiptik, áleýmettik-mádenı maqsattaǵy nysandar ashý, jańa turǵyn úılerdi paıdalanýǵa berý, qaıyrymdylyq sharalary, patrıottyq fleshmobtar men aksııalar, baıqaýlar ótkizý josparlanǵan. Aksııa sheńberinde oblys aýmaǵynda barlyǵy 300-den astam shara uıymdastyrylmaq.
Solardyń ishinde «Jastar dástúrli qundylyqtardy qoldaıdy» atty respýblıkalyq forým, etnomádenı birlestikterdiń Táýelsizdik jyldaryndaǵy jetistikterine arnalǵan «Úlken El – Úlken Otbasy» kórmesi, Ulytaý kentinde sport kesheniniń ashylý saltanaty, óńirdiń úzdik sportshylarynyń qatysýymen «Alǵys kitap» aksııasynyń aıaqtalýy, otandyq taýar óndirýshiler jetistikteriniń «Qazaqstanda jasalǵan» atty kórmesi, «Altaı Polımetall» JShS «Kóktasjal» ken ornynyń bazasynda taý-ken keshenin salý men iske qosý» iri jobasynyń tusaýkeseri, Jezqazǵan qalasy «Jaltyrbulaq» ken ornynyń altyndy kenin óńdeýge arnalǵan keshenniń ashylýy, «Qazaqstan jastary – Táýelsizdik tolqynynda» atty respýblıkalyq jastar aksııasy, gemodıalız ortalyǵynyń ashylýy, jas mamandarǵa – Shahtınsk qalasyndaǵy medısına mamandary men Sátbaev qalasyndaǵy otbasylarǵa páter kiltterin tabystaý tárizdi aýqymdy sharalar bolatynyn atap ótkenimiz oryndy.
Yntymaǵy jarasqan eldiń yrysty kúnderi, juldyzdy sátteri kóp bolǵaı!
Qaırat ÁBILDINOV,
«Egemen Qazaqstan»
QARAǴANDY