Qazaqstan týrızm ındýstrııasyn damytyp jatqan kóptegen eldiń týrıstik donory bolyp tabylady. Bul jóninde Feısbýk paraqshasynda Investısııa jáne damý mınıstrligi Týrızm ındýstrııasy departamentiniń dırektory Marat Iǵalı málimdedi.
2001-2015 jyldary Qazaqstanǵa kelgen rezıdentter bolyp tabylmaıtyndar sany 59 489 294 adamdy quraǵan. Alaıda osy ýaqyt aralyǵynda el aýmaǵynan ózge elderde demalýǵa 83 771 998 qazaqstandyq shyǵypty.
15 jyldaǵy jaǵymsyz aıyrma - 24 282 704 adam. Mundaı úrdistiń basty saldary el kapıtalynyń syrtqa ketýi bolyp tabylady. Sońǵy jyldary Qazaqstannan syrtqa shyqqan týrıster sany elge kelýshilerge qaraǵanda 1,5-2 ese asyp ketti jáne eldiń tólem balansynda týrıstik saldo únemi teris bolýda.
2015 jyly saldo mınýs 400 mıllıon dollarǵa jetti.