Qazaqstanda jastarǵa óz-ózine qol jumsaýdy úgitteıtin áleýmettik jeliler men ınternet-resýrstar anyqtalǵan jaǵdaıda, birden jabylady.
«Qazaqstan zańnamasyna saı kelmeıtin materıaldar anyqtalǵan jaǵdaıda ınternet-resýrstyń menshikti mekenjaıyna olardy joıý týraly eskertý haty jiberiledi. Menshik ıesi buzýshylyqtardy joımaǵan jaǵdaıda, komıtet «Baılanys týraly» QR zańynyń 41-1-babynda kórsetilgen tártippen baılanys operatoryna ınternet-resýrsta jarııalanǵan aqparatqa shekteý qoıý týraly usynys engizedi», – dedi baılanys, aqparattandyrý jáne buqaralyq aqparat quraldary salasyndaǵy memlekettik baqylaý komıteti.
Sonymen qatar mınıstrlik «Buqaralyq aqparat quraldary týraly» QR Zańynyń 13-baby 3-tarmaǵyna sáıkes sýısıdti nasıhattaıtyn materıaldardy taratý zańnamada bekitilgen tártippen buqaralyq aqparat quralynyń shyǵýyna tosqaýyl qoıýǵa negiz bolady. Osylaısha, zańnamada sýısıdti nasıhattaý belgileleri bar kez kelgen materıaldy BAQ-ta jarııalaýǵa tyıym salynǵan.
«Aǵymdaǵy jyldyń qańtary men 25 qarashasyna deıingi kezeńde komıtet eskertý jumystary aıasynda «VKontakte», «Odnoklassnıkı» áleýmettik jelileriniń jáne basqa da ınternet-resýrstardyń ákimshileriniń meken jaıyna jastar arasyndaǵy sýısıdti nasıhattaý belgileri bar 211 aqparattyq materıalǵa (onyń 161-i áleýmettik jelilerde ornalastyrylǵan) qatysty eskertý hatyn jiberdi. Búgini tańda atalǵan barlyq materıaldarǵa qatysty ınternet-resýrstardyń menshik ıeleleri olardy joıý nemese Qazaqstan aýmaǵynda kirýge shekteý qoıý sharalaryn qabyldady», – dedi Aqparat jáne kommýnıkasııalar mınıstrligi.