Memleket basshysy "Egemen Qazaqstan" Respýblıkalyq gazeti" AQ Basqarma tóraǵasy Darhan Qydyráli, "Qazaqstan" RTRK AQ Basqarma tóraǵasy Kemelbek Oıshybaı, "Habar" agenttigi" AQ Basqarma tóraǵasy Almagúl Ahmetjanova, "Kazahstanskaıa pravda" RG" AQ Basqarma tóraǵasy Vıacheslav Pashenko jáne "Qazaqparat" halyqaralyq aqparat agenttigi Bas dırektory Ásel Tólegenovamen kezdesti. Jıynǵa sonymen qatar Prezıdent Ákimshiliginiń, Aqparat jáne kommýnıkasııalar mınıstrliginiń basshylary qatysty.
Kezdesý barysynda elimizdiń memlekettik buqaralyq aqparat quraldarynyń basshylary Elbasyǵa ózderi basqaryp otyrǵan uıymnyń qyzmeti týraly baıandady.
Qazaqstan Prezıdenti sondaı-aq memlekettik BAQ-tardyń jetistikterimen jáne damý josparlarymen tanysty. Memleket basshysy jastarǵa adamgershilik tárbıe berýge yqpal etetin sapaly otandyq medıakontent ázirleýdiń mańyzdylyǵyn atap ótti.
– Memlekettik buqaralyq aqparat quraldary medıa naryqta óz ornyn ıelenýi úshin jumys isteýi kerek. Qyzyqty jáne aqparatty kontenttiń, sonyń ishinde álemdik mádenıet jáne tarıh týraly kontenttiń kóbirek bolǵany qajet, – dedi Nursultan Nazarbaev.
Otandyq BAQ basshylary Memleket basshysyna Qazaqstannyń aqparat keńistigindegi qazirgi ahýal men onyń damý keleshegi týraly aıtty.
Sońynda Qazaqstan Prezıdenti básekege qabiletti memlekettik buqaralyq aqparat quraldaryn qalyptastyrý qajettigin ataı otyryp, birqatar naqty tapsyrma berdi.