Global Firepower álemdik áskerı kúshter týraly portal jarııalaǵan áskerı qorǵanys salasy reıtınginde Qazaqstan 53-orynda tur.
Portaldyń esepteýinshe, elimizde 18 mıllıon 157 myń 122 turǵyn bolsa, onyń 6 mıllıon 440 myńy áskerge jaramdy. Jyl saıyn orta eseppen 245 myń adam otan aldyndaǵy boryshyn óteýge shaqyrylady. Elimizde 110 myń adam belsendi áskerı mamandar bolsa, 378 myń adam rezervte tur.
Al, qorǵanys bıýdjeti 2 mlrd 435 mln dollardy quraıdy.
Aıta keteıik, bul tizimniń basynda qorǵanys salasy eń úzdik dep tabylǵan 5 el qatarynda AQSh, Reseı, Qytaı, Úndistan jáne Fransııa bar.