Eski kólikterdi qabyldaýǵa arnalǵan baǵdarlama aıasynda qazaqstandyqtar bir aptanyń ishinde 188 mashına tapsyryp, árbir temir tulpary úshin 150 myń teńge aldy, dep xabarlaıdy QazAqparat.
Baǵdarlamanyń úılestirýshisi – «О́KM Operatory» JShS málimetine sáıkes, ýtılızasııaǵa túsken kólikterdiń basym bóligi 25-30 jyl buryn shyǵarylǵan. Olardyń ishinde «VAZ»-dar, «GAZ-3110», «Moskvıch-2140», al sheteldik kólikterden «Mazda 626» jıi kezdesedi. "Eń eski kólik - shyqqanyna 70 jyldan asqan «Moskvıch», al jańalardyń arasynda 2007 jylǵy «VAZ-2104» kóligi bar.
«Búginde Qostanaı qalasy eski kólikterdi tapsyrý jaǵynan oq boıy ozyq tur. Bir aptanyń ishinde 38 mashına tapsyryldy. Al Aqtaý men Atyraýda bir-bir kólikten ǵana ýtılızasııaǵa bergen», – deıdi baǵdarlama úılestirýshileri.
Aıta keteıik, ótken aptada ýtılızasııalaý baǵdarlamasy aıasynda eski kólikterdi qabyldaý jumystary bastalyp, respýblıkanyń 17 qalasynda qabyldaý ashylǵan bolatyn.