Tunǵysh Prezıdent kúni jáne Qazaqstan Respýblıkasy Táýelsizdiginiń 25 jyldyǵy qarsańynda Oman Sultandyǵynyń «NoorMuscat» telearnasy «Balalyq shaǵymnyń aspany» atty kórkem fılmi kórsetti, dep xabarlady Syrtqy ister mınıstrliginiń baspasóz qyzmeti.
«Kınotýyndyny kórseterdiń aldynda Qazaqstannyń Omandaǵy Elshisi Erjan Muqash omandyq telearnanyń tilshilerine suhbat berip, QR Tuńǵysh Prezıdenti Nursultan Nazarbaevtyń basshylyǵymen elimizdiń Táýelsizdik jyldarynda qol jetkizgen jetistikteri, sondaı-aq Qazaqstan-Oman qarym-qatynastarynyń jaı-kúıi men bolashaǵy jaıynda áńgimelep berdi», – delingen resmı xabarlamada.
Aıta keteıik, «Balalyq shaǵymnyń aspany» 2011 jyly rejısser Rústem Ábdirashevtyń Elbasynyń balalyq jáne jastyq shaǵy jaıynda túsirgen kórkem fılmi.