«Qazir Qazaqstanda bıznes ashyp, damý úshin taptyrmaıtyn kezeń. Jańa ındýstrııalyq jobalar kóptep ashylyp jatyr, ındýstrııalyq baǵdarlamany iske asyrýdamyz, 6-sy kúni qorytyndysyn shyǵaramyz. Alǵashqy bes jyl ishinde myńnan asa kásiporyn ashyldy. Kelesi bes jylda taǵy 300-400 kásiporyn ashylady. Iri kásiporyndardyń aınalasynda shaǵyn kásiporyndar paıda bolýda. Olar jańaǵy iri kompanııalarǵa servıs kórsetedi.
Jekeshelendirý júrip jatyr. Osyny paıdalanyp, jumys isteý kerek. Kompanııalardyń aktıvterin básekege salý – barlyq ákimder mine osy ispen shuǵyldanýy tıis. Jastardyń osy proseske qatysýy úshin kómektesýleri kerek», dedi Memleket basshysy qazir Astanada ótip jatqan Respýblıkalyq jastar forýmynda.