Tuńǵysh Prezıdent kúni jáne el Táýelsizdiginiń 25 jyldyq mereıtoıy qarsańynda Arys qalasynda jańa 150 oryndyq Qabylsaı atyndaǵy jalpy orta mektebiniń saltanatty ashylý rásimi ótti, dep habarlady oblys ákimdiginiń baspasóz qyzmeti.
«Elbasy N.Á.Nazarbaev elimizdi bəsekege qabiletti 30 memlekettiń qataryna engizý týraly mindet qoıǵany barshamyzǵa belgili. Bilim berý júıesin jetildirý osy maqsatqa qol jetkizýde mańyzdy ról atqarady. Qazaqstandy damyǵan elderdiń qataryna jetkizetin, terezesin teń etetin de bilim», – dedi Arys qalasynyń ákimi Murat Qadyrbek.
Atalǵan mekteptiń fızıka, hımııa kabınetteri, kompıýter kabıneti, ınteraktıvti taqta jáne oqýshylardy eńbekke baýlıtyn arnaıy kabınetteri talapqa saı, zamanaýı qural-jabdyqtarmen jabdyqtalǵan.