Jańǵyrýdyń bir úlgisi

О́ıtkeni, buryn memlekettik bıliktiń negizgi býyndary, ásirese ortalyq bılik ókilderi qoǵam aldynda esep bermeıtin. Máselen, mınıstrliktegiler óz qyzmetteri týraly halyq nemese qoǵamdyq uıym ókilderiniń aldyna shyǵyp,  baıandap jatpaıtyn. Mınıstr Parlamentke baryp, belgilengen «Úkimet saǵaty» aıasynda depýtattar qoıǵan saýaldarǵa jaýap be­rýi múmkin. Onyń qyzmetiniń jarııalylyǵy, qoǵam aldyndaǵy eseptiligi osymen shekteletin. Sondyqtan Elbasynyń bas­tamasymen árbir memlekettik bılik organynyń janynan qu­ryl­ǵan qoǵamdyq keńester osy iske tyń serpilis berip otyr dep aıta alamyz. Bul – jáı ǵana aıty­la salǵan sóz emes. О́ıtkeni, Qo­ǵamdyq keńestiń ókildigi men qu­zy­reti jáne jaýapkershiligi arnaıy zańmen bekitildi. Sondyqtan al­daǵy ýaqytta olardyń qyzmeti de­mokratııa men jarııalylyqtyń kó­rinisi retinde óris alyp, kom­mer­sııalyq emes uıymdar men az­amattardyń mınıstrliktiń ju­mysyn ashyq túrde talqylaý isine qatysýshylyǵyn arttyra beretini aıqyn. Investısııalar jáne damý mınıstrligi Qoǵamdyq keńesiniń osy ýaqytqa deıin júrgizgen ju­mysyn sonyń bir dáleli re­tinde usynýǵa bolady. Keńes óz ju­mysyn belgilengen jyldyq jos­par­ǵa sáıkes atqaryp ke­ledi. Al jos­parǵa mynadaı ma­ńyz­dy má­se­leler engizilgen: mem­le­ket­tik organ basshysynyń jyl­dyq esep berýine qatysyp, ony tal­qylaý; ózekti máseleler boı­yn­sha qoǵamdyq tyńdaýlar ót­kizý; mınıstrliktiń bıýdjettik baǵ­dar­lamalarynyń, strategııalyq jos­parlarynyń oryndalýyn qarap, árkez nazarda ustaý jáne taǵy basqalar. Máselen, Qoǵamdyq keńestiń mú­sheleri «Jer qoınaýy jáne jer qoınaýyn paıdalaný» ko­deksiniń jobasyn talqylaýdy uı­ym­dastyrýǵa belsene qatysty. Kodekstiń jobasy Astana qa­lasynda 300-den astam osy sa­lanyń mamandary men qoǵam­dyq uıymdardyń belsendi múshe­le­riniń, iske yntaly jekelegen aza­mattardyń qatysýymen keńinen tal­qylandy. Mundaǵy baıandama­lardy Investısııalar jáne da­mý mınıstrligi, Energetıka mı­nıstrliginiń jaýapty basshylary men táýelsiz sarapshylar jasady. Kodeks jobasy qyzý talqylaýǵa tústi. Sonyń nátıjesinde qu­jat­qa birqatar ózgerister men tol­yq­tyrýlar engizý usynyldy. Osyndaı qoǵamdyq tyń­daý ke­ńes músheleriniń bas­ta­ma­shy­lyǵymen jýyqta Almaty qa­la­- s­yn­da da bolyp ótti. Ýaqyt ótken saıyn Qoǵamdyq ke­ńes jumysynyń  aýqymy keńeıip ke­ledi. Osyǵan baılanysty keńes músheleri úsh komıssııaǵa bólinip jumys isteýde. Mınıstrliktiń ekonomıka­ny damytýǵa baılanysty at­qa­ryp jatqan jumystaryn Qoǵam­dyq keńestiń Indýstrııalyq-ınno­va­sııalyq damý komıssııasy nazar­da ustaýda. Al Geologııa jáne jer qoınaýyn paıdalaný ko­mı­s­sııa­sy ken oryndaryn ıgergen kez­de jergilikti turǵyndardyń qu­qyqtarynyń saqtalýyn qada­ǵa­lap, zań buzýshylyqtyń aldyn alýǵa yqpal etýde. Qoǵamdyq keńestiń úshinshi komıssııasy aınalysatyn kólik logıstıkasy ınfraqurylymdaryn damytý problemasynyń respýb­lıkada turatyn barsha halyqqa qatysy bar. Mine, osyndaı isterde ha­lyq múddesiniń qorǵalýyna qo­ǵamdyq baqylaý jasap otyrý ár­bir komıssııa múshesiniń mindeti eke­ndigi aıqyn. Investısııalar jáne damý mı­nıstrligi basshylarynyń Ko­ǵam­dyq keńespen qarym-qatynasy sy­paıy, belgilengen qujattar aıa­synda, sonyń ishinde, Qoǵamdyq keńester týraly zań aıasynda  óris alyp keledi. Olar keńes tarapynan týyndaǵan bastamashylyqqa qoldaý bildirip otyrady. 

Jeńis Qulseıitov, Investısııalar jáne damý mınıstrligi Qoǵamdyq keńesiniń múshesi, professor