«Astana-Teplotranzıt» AQ málimetinshe, turǵyndar túbirtegindegi sommanyń kóbeıýi syrtqy aýanyń ortasha temperatýrasyna tikeleı baılanysty. Aýa temperatýrasy tómendegen saıyn turǵyn úılerde normatıvtik temperatýrany saqtaý úshin kóbirek jylý energııasy qajet. Sáıkesinshe, tólem mólsheri de kóbeıedi, dep jazady Egemen.kz.
Máselen, 2025 jyldyń qarashasynda ortasha aýa temperatýrasy – 0,36 °C, jeltoqsanda – -8,1 °C, qańtarda – -14,3 °C bolǵan.
«Osylaısha, jylýmen jabdyqtaý tarıfi kóterilgen joq. Aýa temperatýrasynyń tómendeýine baılanysty jylý tutyný kólemi obektıvti túrde artty, bul óz kezeginde túpkilikti qunynan áser etti. Azamattyq kodekstiń 488-babyna jáne «Jylý energetıkasy týraly» zańǵa sáıkes, tólem naqty tutynylǵan energııa kólemi úshin júrgiziledi», delingen «Astana-Teplotranzıt» AQ taratqan habarlamada.
Kásiporyn málimetinshe, jylý energııasynyń quny myna faktorlarǵa baılanysty esepteledi:
Aýa raıy jaǵdaılary (syrtqy aýanyń ortasha aılyq temperatýrasy); Jylý energııasyn esepke alý quralynyń bolýy jáne jaramdylyǵy; Esepteý ádisi (esepke alý quraly boıynsha nemese eseptik ádispen); Ystyq sý eseptegishteriniń kórsetkishterin ýaqytyly tapsyrý; Jylý energııasyn tutyný kólemi.Biryńǵaı tólem qujaty boıynsha tólem aıdyń 25-ine deıin júrgizilý qajet. Bul kúnnen keıin túsken tólemder kelesi eseptik kezeńde eskeriledi.
Aıta keteıik, osy aıda kóptegen el azamattary kommýnaldyq tólem somasy ádettigeden kóp ekenin aıtyp, áleýmettik jelide jazba jarııalaǵan.
Túrkistan oblysynda tarıf baǵasyn negizsiz kótergen mekemeler anyqtaldy