Baǵdarlamada EKSPO-ny jáne elordany aralap shyǵý qarastyrylǵan. Qaraǵandylyq balalar Astana qalasynyń polıtehnıkalyq kolledjiniń jataqhanasynda ornalastyrylady. Oqýshylardy tamaqtandyrý máselesi de sheshilgen. Bir oqýshynyń saparyna bıýdjetten 27 myń teńge bólingen. EKSPO bıletteri resmı týroperatorlardan satyp alynǵan. Oblystyq kásipkerlik basqarmasynyń jetekshisi Tatıana Ablaeva málimdegendeı, bıýdjet qarajaty esebinen EKSPO-ǵa Qaraǵandy oblysynan 3750 oqýshy barady. Olar – daryndy balalar, balalar úıiniń tárbıelenýshileri jáne turmystyq jaǵdaıy tómen otbasyndaǵy búldirshinder. 1050 daryndy bala men jetimder úıi balalarynyń saparyna oblystyq bıýdjetten qarajat bólindi. Al 2700 jaǵdaıy tómen otbasylarynan shyqqan balalardy tegin elordaǵa attandyrý úshin jergilikti qalalyq jáne aýdandyq bıýdjetterden qarjy qarastyrylǵan. Ekskýrsııalar EKSPO-nyń jabylýyna deıin, ıaǵnı 10 qyrkúıekke deıin jalǵasady.
Mıras Asan, «Egemen Qazaqstan»
Qaraǵandy oblysy