Memorandýmǵa Mastercard-tyń Reseı, Qazaqstan, Belarýs, Armenııadaǵy basshysy Alekseı Malınovskıı men «Astana» Halyqaralyq qarjy ortalyǵynyń (AHQO) Basqarýshysy Qaırat Kelimbetov qol qoıdy.
Seriktester qarjy ortalyǵynyń ınnovasııalyq ınfraqurylymyn damytýdy, onyń ishinde zamanýı tólem tehnologııalaryn belsendi paıdalanbaq. Memorandýmǵa qol qoıý rásimi Astana Ekonomıkalyq Forýmy aıasynda ótken tehnologııalardyń qarjy ortalyqtarynyń damýyna áser etýi týraly sessııadan keıin jasaldy.
«Zamanaýı tólem tehnologııalarynyń keń taralýy kásipkerler, qarjylyq uıymdar men memleket úshin jańa múmkindikter bermek. Mastercard usynatyn sheshimder ártúrli salalarda: qala men aımaqty basqarý, transport, qyzmet kórsetý salasy, týrıstik bıznes, bilim salasynda paıdalanylady. Mastercard pen AHQO arasyndaǵy seriktestik Qazaqstandaǵy qolma-qol aqshasyz ekonomıkanyń damýyndaǵy mańyzdy qadam bolmaq», - dedi Mastercard-tyń Reseı, Qazaqstan, Belarýs, Armenııadaǵy basshysy Alekseı Malınovskıı.
«Astana» Halyqaralyq qarjy ortalyǵy Basqarýshysy Qaırat Kelimbetov «Biz Mastercard-pen aradaǵy yntymaqtastyqty qoldaımyz, sebebi, sol arqyly qarjy ortalyǵynyń rezıdentterine tehnologııalyq jáne tıimdi orta qurý boıynsha ekspertıza men halyqaralyq tájirbıege qol jetkize alamyz. Bul AHQO-nyń sátti damýyna áser etedi jáne Qazaqstan boıynsha bolashaqtyń aqyldy qalalarynyń ınnovasııalyq ınfraqurylymynyń alańqaıy ete alady», - dedi.
Seriktestiktiń mańyzdy bóligi qarjy qyzmetiniń qoljetimdi bolýyn qamtamasyz etetin birikken jumys, ol óz kezeginde áleýmettiń qarjylyq saýattylyǵynyń ózegi bolmaq.Osy maqsat úshin taraptar bilim baǵdarlamalary men kampanııalaryn qurýdy josparlap otyr.
Munan ózge, Mastercard AHQO fınteh-startaptary akseleratoryn qurýdy qoldaıdy, osy arqyly bul salaǵa óziniń erekshe ǵalamdyq tájirbıesin ákelmek.
Mastercard Qazaqstanda 22 jyldan beri jumys istep keledi jáne birtindep memlekettiń qolma-qal aqshasyz ekonomıkasyn damytýda. Tólem júıesi Qazaqstan naryǵynda ınnovasııalyq tólem sheshimderin engizý úshin iri banktermen, saýda-servıstik kásiporyndarmen jáne naryqtyń ózge de qatysýshylarymen jumys istep keledi. Tek sońǵy jyldary tólem júıesiniń bank-qatysýshylarynyń sany eki esege artty. Jańa bankterdi qosýǵa, tehnologııalyq jáne ónimdik ınnovasııalardy engizýge qatysty jumystar jalǵasyp jatyr.
Baýyrjan Muqanov,
"Egemen Qazaqstan"