Qazaqstandyq kásipqoı boksshy Beıbit Shúmenov resmı túrde karerasyn aıaqtaǵanyn málimdedi.
Shúmenovtiń aıtýynsha, sparrıng kezinde kózinen alǵan jaraqaty tym aýyr boldy. Dárigerler oǵan bokspen aınalysýǵa tyıym salypty. Sebebi, qatty soqqy alar bolsa, kózi kórmeı qalýy ábden múmkin. Boksshy shilde aıynda kezekti ret ota jasatady.
Aıta keteıik, búgin Dúnıejúzilik boks qaýymdastyǵy (WBA) Shúmenovti turaqty chempıon ataǵynan aıyrǵany belgili boldy. Beıbit atalǵan uıymǵa densaýlyǵyna baılanysty karerasyn jalǵastyra almaıtynyn jetkizgen.
Shúmenovke tıesili tıtýl endi kýbalyq bylǵary qolǵap sheberi Iýnıer Dortıkosqa berildi. Qos boksshynyń arasyndaǵy jekpe-jek sáýir aıynda ótýi tıis bolatyn. Alaıda, qazaqstandyq boksshynyń jaraqatyna baılanysty kezdesý keıinge shegerilgen edi.