Fınlıandııaynyń syrtqy saýda jáne damý mınıstri Kaı Mıýkkıanen bastaǵan delegasııanyń jartysy Astanaǵa keldi. Qazaqstan men Fınlıandııa arasyndaǵy tikeleı reıs aptasyna eki ret, sársenbi jáne juma kúnderi qatynaıdy. Atalmysh reıster Airbus 319 áýe kemesimen Astanadan jergilikti ýaqyt boıynsha saǵat 05:40-ta oryndalady. Eki el arasyndaǵy reısti ashýda QR IDM Azamattyq avıasııa komıteti men Fınlıandııanyń avıasııalyq bıligi birlese jumys atqardy. Halyqaralyq EKSPO-2017 kórmesiniń ótýine baılanysty fın tarapyna aptasyna 7 reıs oryndaý quqyǵy berildi. Sonymen qatar, jaqyn ýaqytta Fınlıandııa prezıdenti Qazaqstanǵa keledi.
Anyqtama: JACDEC zertteý bıýrosynyń aqparaty boıynsha Fınlıandııanyń «Finnair» iri áýe kompanııasy 2012-2013 jyldary Eýropadaǵy eń qaýipsiz áýe kompanııa atanǵan jáne qaýipsizdik jóninen álem boıynsha ekinshi oryndy ıelengen.