Ulybrıtanııanyń musylmandar keńesiniń basshysy Harýn Rashıd Han Týıtterdegi paqarshasynda júrgizýshiniń adamdardy qasaqana qaqqanyn jazdy. Onyń aıtýynsha, oqıǵa meshitke jaqyn mańdaǵy Musylmandardyń áleýmettik kómek ortalyǵynyń mańynda bolǵan.
Ulybrıtanııanyń Premer-Mınıstri Tereza Meı polısııa bul oqıǵany terakt retinde qarastyryp jatqanyn aıtyp, tótenshe jaǵdaılar komıtetine shuǵyl habarlama jiberdi. Degenmen, polısııa CNN-ge áli naqty málimet berýge erte ekenin aıtty. Al Guardian basylymy Londonnyń antıterrorıstik qyzmeti oqıǵa ornyna baryp, zertteý jumystaryna kómek kórsetip jatqanyn jazdy.
Bul meshit 2003 jyly jabylyp, Ulybrıtanııanyń musylmandar keńesi 2005 jyly jańa basshylyqty bekitken soń qaıta ashyldy.
Qazaqstan Respýblıkasy Syrtqy ister mınıstrligi baspasóz qyzmetiniń jetekshisi Ánýar Jaınaqovtyń aldyn ala málimetter boıynsha zardap shekkenderdiń arasynda qazaqstandyqtar joq ekenin aıtty.