London polısııasynyń boljamynsha, Grenfell Tower kóp qabatty úıinde bolǵan órtten keminde 79 adam qaza tapqan. Alaıda, bul derekte iz-tússiz joǵalǵandar da qosa qamtylyp otyr, dep habarlaıdy BBC-diń reseılik qyzmeti.
Polısııa qırandylar astynan iz-tússiz joǵalǵandar qataryna jatqyzylǵan taǵy bes adamnyń máıiti tabylǵanyn jetkizdi.
Quqyq qorǵaýshylar órtten qaza bolǵandar sany áli de ózgeretinine senimdi. Olardyń aıtýynsha, órtengen ǵımarat ishinen adamdardy alyp shyǵý operasııasy keminde birneshe aptaǵa jalǵasady.
Soltústik Kensıngton aýdanynda ornalasqan 24 qabatty Grenfell Tower ǵımaratyndaǵy órt maýsymnyń 13-inen 14-ine qaraǵan túni oryn aldy. Jergilikti bılik ókilderi órt kezinde ǵımaratta 600-deı adam bolýy múmkin ekenin alǵa tartady.
Apatpen kúresýge 200-ge jýyq órt sóndirýshi, 40 tehnıka jumyldyryldy.
О́rttiń shyǵý sebebi ázirge anyqtalǵan joq.