«Astanada ekinshi kún qatarynan anomaldy aptap ornady. 35-36 gradýsqa shydaý qıyn. Biz qaıyrymdy is jasaǵymyz keldi, ekinshi kún qatarynan halyq shoǵyrlanǵan oryndarǵa tegin sý qutylaryn ornatýdamyz. Negizinen, qart kisiler, jas balalar men júkti áıelder rızashylyq bildirýde. Osy úshin qýanamyz. Bıznestiń áleýmettik jaýapkershiligi bolýy tıis. Bizdiń árbirimiz elimizdiń árbir azamaty jáne qala qonaqtary úshin jaýapty bolýymyz kerek» deıdi Elorda turǵyny.
Astana qalasy jáne Aqmola oblysynda aptap ystyqqa baılanysty aldyn ala eskertý jarııalandy. «Kazgıdromet» ortalyǵynyń habarlaýynsha, aýa temperatýrasy Astanada 33-35 gradýsta kórsetedi.
Sınoptıkterdiń boljamynsha, Astanada joǵary temperatýra 26-27 maýsym kúnderi bolady. Osy kúnderi kóleńkedegi aýa temperatýrasy 39 gradýs bolady dep kútilýde. 28 maýsymnan keıin salqyn temperatýra ornaı bastaıdy.