Qostanaı oblysy ákiminiń orynbasary Marat Júndibaev «Tobyl» FK ujymymen kezdesip, jańa dırektor - Nıkolaı Panındi tanystyrdy, dep habarlady fýtbol klýbynyń resmı saıty.
«Ákim atynan Talǵat Ákimjanovqa qıyn kezeńderde, sol ýaqyttarda jol taba bilgeni úshin alǵys bildirgim keledi. Sáttilik tileımiz! Dırektorlar keńesi Panın Nıkolaı Borısovıchti taǵaıyndaý sheshimin qabyldady. Ony jaqsy bilesizder. Klýbty birneshe ret basqarǵan. Sońǵy ret «Oqjetpeste» jumys istedi», - dedi Marat Júndibaev.
«О́mir bir ornynda turmaıdy. Aldaǵy ýaqytta jańa stadıonǵa kóshesizder. Jańa bapker tańdaısyzdar. Aldaryńa qoıǵan barlyq mindetterdi oryndaısyzdar», - dedi oblys ákiminiń orynbasary.
Budan buryn klýbtyń baspasóz qyzmeti «Tobyl» FK dırektory Talǵat Baımuratov qyzmetinen ketý jóninde ótinish bergeni habarlanǵan. Sondaı-aq, búgingi kúnnen bastap bas bapker Omarı Tetradzede klýbpen jumysyn resmı toqtatty.