EKSPO-2017 halyqaralyq kórmesi aıasynda Astana qalasyndaǵy Ulttyq tennıs ortalyǵynda «ATP Challenger» jáne «ITF Women’s serııalary» boıynsha Prezıdent Kýbogy úshin úlken tennısten HIH halyqaralyq týrnır ótedi.
Jalpy júlde qory 225 myń AQSh dollaryn quraıtyn baıraqty báseke 17-23 shilde aralyǵynda uıymdastyrylady. Oǵan álemniń 30 elinen 200-ge jýyq tennısshi qatyspaq. Olardyń qatarynda álemdik reıtıngtiń TOP-júzdigine kiretin sportshylar da bar. Qazaqstan namysyn Mıhaıl Kýkýshkın, Andreı Golýbev, Dmıtrıı Popko jáne Kámıla Kerimbaeva qorǵaıtyn bolady. Dál osy kúnderi «Astana Masters 12& under President’s Cup» balalar tennısi jáne áýesqoı tennısshiler arasynda «AstanaOpen» týrnıri de ótedi. Qazirgi tańda Qazaqstan qurama komandasynyń músheleri týrnır aıasynda «Kerýen» saýda jáne oıyn-saýyq ortalyǵynda sheberlik-sabaqtaryn ótkizýde.