Almanııa «aqyldy úıler» usyndy

Basqosýdyń resmı bóliminde eli­mizdiń Investısııalar jáne da­mý mınıstri Jeńis Qasymbek Ge­r­ma­nııa ókilderin ulttyq kúnimen qut­tyqtap, jyly lebizin jet­kiz­di. Sodan keıin EKSPO kór­mesiniń osy kúniniń basty qo­naǵy Germanııa prezıdenti Frank-Valter Shtaınmaıer sóz sóıledi. Ol halyqaralyq shara ǵı­marattarynyń fýtýrıstik baǵytta salynǵanyn aıtyp, bul Qazaqstannyń bolashaqqa de­gen joǵary umtylysyn bil­di­retinin áńgimeledi. Sondaı-aq, Germanııa kórme barysyn­da «jasyl» tehnologııalar sa­la­syndaǵy tájirıbesimen bó­lisetinin atap ótti. «Elimizde bú­kil elektr energııa kóleminiń úshten biri jańǵyrtylatyn qýat kóz­derinen óndiriledi. Bizdiń teh­nologııalyq tájirıbemiz mol. Bul bizdiń jetistigimiz jáne ony EKSPO kórmesinde barshaǵa kórsetkimiz keledi», dedi Frank-Valter Shtaınmaıer.  Mártebeli meıman Qazaq­stan­­daǵy mańyzy joǵary kór­me­niń qonaqtary sany kóp bolýyn jáne olardyń sharaǵa kó­ńili tolýyn tilep, ystyq yqy­lasyn bildirdi. «EKSPO pi­kir­talas pen ıdeıalar ortasyna, úzdik sheshimderdiń báseke ala­ńyna, kelisimder jasalatyn qalashyqqa aınalatynyna se­nemin. Biz Qazaqstanmen ortaq maq­sattardy bólisip otyrmyz, en­di sizderdiń jetistikterińizben de bóliskimiz keledi. Elderimizdiń  bolashaǵy zor bolyp, turaqty energetıkaǵa jeteıik», dedi Germanııa prezıdenti. Jıyn Germanııa pavılonynda nemis beıne ári medıa sýretshisi Maks Hattlerdiń týyndylary qoıylǵan kórmemen jalǵasty. Olar tól merekelerin 16 shildege deıin atap ótpek. Nemis halqy kórmede eki já­ne tórt dóńgelekti elektr kó­lik­teri men qýat óndire alatyn «aqyldy úıler» sekildi birneshe joba usynǵan.