Tarıhı tarazdan – eńseli elordaǵa

Osyǵan oraı Ortalyq kommýnıkasııalar qyzmetiniń aqpa­rat­tyq alańynda Jambyl oblysy ákiminiń orynbasary Er­qa­nat Man­jýovtyń, Aýyl sha­rýashylyǵy basqarmasynyń bas­shysy Nurjan Nurjigitovtiń, Mádenıet, arhıvter jáne qu­jat­­tama basqarmasynyń bas­shy­sy Dúısenáli Byqybaevtyń qa­tysýymen baspasóz máslıhaty bolyp ótti.

Spıkerlerdiń sózinshe «Uly Jibek joly. Kóne Tarazdan asqaq Astanaǵa tartý» kerýeni 20 mamyrda jolǵa shyqqan. Kelisti kerýen Jambyl jáne Qaraǵandy oblystaryndaǵy 10 eldi mekenge aıaldap, ár jerde kıiz úıler tigilip, úlken sahnalarda túrli sharalar uıymdastyrylǵan. Eki aılyq jol júrgen kerýen 26 shildede Astana qalasyna at basyn tireıdi. Kerýendi qarsy alý sharalary «Han Shatyr» oıyn saýyq ortalyǵynyń «Ǵashyqtar saıabaǵynda» ótedi.

D.Byqybaevtyń aıtýynsha, oblys kúnderiniń ashylý sal­ta­­natyna oraı EKSPO aý­ma­ǵyn­daǵy «Amfıteatrda» ob­lys­­tyq fılarmonııanyń «Áýeni ásem Áýlıeata!» atty merekelik kon­serti qoıylady. Atap aıtqanda, bes kún boıy bekitilgen kestege sáıkes «Han Shatyr» oıyn-saý­yq ortalyǵy janyndaǵy «Ǵa­shyqtar saıabaǵynda» oblystyq f­ı­lar­monııanyń, oblystaǵy joǵary oqý oryndarynyń, aýdandar men Taraz qalasy ónerpazdarynyń qa­tysýymen konserttik baǵ­dar­la­malar, ulttyq salt-dástúr kó­ri­­nisteriniń qoıylymdary kór­se­tiledi.

Al 29-30 shilde kúnderi bas qa­ladaǵy «Qazanat» ıppodromynda qala turǵyndary men qonaqtarǵa ulttyq at sporty túrleri kókpar, aýdaryspaq, teńge ilý, jamby atý oıyndarynyń kórsetilimderi uı­ymdastyrylyp halyq nazary­na usynylady. «Etnoaýyl» qa­la­shyǵy mańynda qazaq kúresi, asyq atý, bes tas, toǵyzqumalaq, alańdaǵy toǵyzqumalaq oıyn­da­rynyń kórsetilimimen qatar qus­be­gilik jáne tazy, tóbet ıtter kór­mesi uıymdastyrylady. Al- ­ǵ­ash ret komandalyq alańdaǵy to­ǵyz­qumalaq oıynynyń tusaýkeser rásimi ótkiziledi.

«Sonymen birge oblystyq fı­larmonııanyń «Áýlıeatadan án shashý», oblystyq qazaq drama teatrynyń «Qyz Jibek» saý­ndt­regi, «Alataý» folklorlyq an­sambliniń «Ǵasyrlar áýeni» at­ty konserti jáne elimizge tany­mal aqyndar men ánshilerdiń bir­lesken «Bir áýen, bir óleń» at­ty án-jyr keshi ótkiziledi. 30 shildede «Han Shatyr» oıyn-saý­yq ortalyǵy janyndaǵy alań­da «Jambylym qandaı tamasha!» atty shyǵarmashylyq konse­rt berilip, Jambyl oblysy kún­de­riniń jabylýyna arnalǵan oblys ónerpazdary men Jambyl óńi­rinen shyqqan belgili estrada juldyzdarynyń qatysýymen Ga­la-konsert uıymdastyrylady», de­di Mádenıet, arhıvter jáne qujattama basqarmasynyń basshysy Dúısenáli Byqybaev.

Sondaı-aq EKSPO-2017 ha­lyqaralyq kórmesi aıasynda Astana qalasyndaǵy Jambyl oblysynyń kúnderine oraı shilde aıynyń 29-30 juldyzynda aýylsharýashylyq ónimderiniń kórme-jármeńkesi ótetin bolady.

Raýan QAIDAR, «Egemen Qazaqstan»