Bul BUU Damý baǵdarlamasy boıynsha qolǵa alynyp otyrǵan shara. Jobanyń osy saladaǵy ulttyq sarapshysy Tólebaı Ádilovtiń aıtýynsha, atalmysh problemamen BUU Damý baǵdarlamasy 2015 jyldan beri aınalysyp keledi. Mine, sol ýaqytta «Tómen kómirtekti damýǵa ornyqty qalalar» atty keń kólemdi joba qolǵa alynǵan edi. Onyń quramyna Qazaqstannyń 15 shaǵyn jáne iri qalalary kirse, onyń ishinde Semeı negizgileriniń biri bolyp sanaldy.
– Biz respýblıkanyń ár túkpirindegi turǵyndarmen jáne jurtshylyq ókilderimen pikirlese kele, Qazaqstannyń ekologııalyq problemasyn sheship, tabıǵı jáne halyqaralyq týrızmdi damytý úshin osy jobanyń aıqyn qajettiligin sezdik, – dedi Tólebaı Ádilov. – Elbasymyz jasyl ekologııa dep usynyp otyrǵan jobany túrli deńgeıdegi ákimderdiń túsine almaıtyndyǵyn da baıqadyq. Aýaǵa kómirqyshqyl gazynyń shyǵýyn azaıtý elimizdi álemdegi eń damyǵan 30 eldiń qataryna qosady. Biraq, qazir Qazaqstan atmosferaǵa zııandy qaldyqtar shyǵarýdyń kóshbasshysy bolyp qalyp tur. Sondyqtan da qazir elimizde qoǵamdy ekologııalyq problemalarǵa nazar aýdartý úshin iri aqparattyq jumys toby iske kirisken.
– Adamnyń uǵymyn, sanasyn ózgertýde qoǵamnyń orny erekshe, – dedi Parlament Májilisiniń IV jáne V shaqyrylymynyń depýtaty, búginde BUU Damý baǵdarlamasynyń osy taqyryp boıynsha keńesshisi Aıgúl Soloveva, – Qoǵamdyq uıym ókilderi zań jarǵylaryn tıimdi paıdalanyp, turǵyndarmen jáne atqarýshy bılikpen jumys júrgize bilý kerek.
Raýshan NUǴMANBEK
SEMEI
Sýretti túsirgen avtor