Habarlamada «El delegattaryn - qatysýshylardy Kýba Respýblıkasyndaǵy Saýda palatasynyń prezıdenti - Orlando Nıkolas Gılen bastap keledi» delingen.
Aıta keteıik, Kýba eli óziniń Ulttyq kúnin barlyq mamandandyrylǵan kórmelerde 26 shilde kúni ótkizedi. 1953 jyldyń 26 shildesi kúni Fıdel Kastronyń basqarýymen jas kýbalyqtardan qurylǵan top Fýlhensıo Batıst dıktatýrasyna qarsy áskerı kúres bastaý maqsatymen «Monkada» áskerı kazarmalaryna shabýyl jasady.
Kýbanyń ulttyq kúninde «Kýba yrǵaqtary» degen atpen mýzykalyq shoýlar uıymdastyrylmaqshy. Bul Kýba mádenıetiniń qýattylyǵy men ereksheligimen tanysýǵa taptyrmaıtyn múmkindik.
«Shoý baǵdarlamany Kýbanyń ulttyq kúni sahnasynan Latyn Amerıkasynyń pavılonyna deıin jalǵasatyn karnaval sherýi aıaqtaıdy» delingen habarlamada.