Aıtýlarynsha, bilim berý granttary konkýrsynyń nátıjeleri barlyq qatysýshylardyń úmitin aqtamady, óıtkeni túlekterdiń 30 paıyzy ǵana oqýǵa grant aldy. Bul stýdentterdiń kóbisi aqyly negizde oqıtyndyǵyn bildiredi.
"Sonymen, eger balańyz bir jaǵdaılarmen grantqa ilikpese, ári oqýǵa tóleıtin aqshańyz da jetkiliksiz bolsa, ne isteýge bolady? Osy rette, stýdentter men talapkerlerge oqý aqysyn tóleýde qoldaý kórsetý maqsatynda Memlekettik bilim berý jınaqtaý júıesi engizilgen edi. Onyń sheńberinde stýdenttiń atyna jyldyq 10%-dan bastalatyn paıyzdyq mólshermen 12 jylǵa deıin kepilzatsyz nesıe resimdeýge bolady. Bul jaǵdaıda Bilim jáne ǵylym mınıstrligi "Qarjy ortalyǵy" (budan ári - Qarjy ortalyǵy) kepilger retinde ókilettik etedi", deıdi vedomstvo ókilderi.
Qarjy ortalyǵynyń kepildigimen bilim berý kredıtterin talapkerlerge de, Qazaqstannyń barlyq JOO-lary men kolledjderiniń barlyq oqý nysandary boıynsha stýdentterine de alýǵa bolady eken.
Qazirgi ýaqytta bilim berý kredıtterin Qarjy ortalyǵynyń seriktes bankterinde ár túrli shartar da beriledi.
"Baǵdarlamanyń áreket etý geografııasy keń, seriktes bankter Respýblıkanyń barlyq óńirlerinde jumys isteıdi. Kredıtterdi berý mehanızmi birdeı: qaryz alýshy bankke baryp, konsýltasııa alady, resimdeýge qajetti qujattardy jınap, olardy bankke tapsyrady. Bilim berý kredıti qajettiligine qaraı ár semestr nemese jyl saıyn oqý orynnyń esepshotyna aýdarylady. Qarjy ortalyǵynyń kepildigimen bilim berý kredıtin alý úshin bir nemese eki qosalqy qaryz alýshy qajet. Bul jaǵdaıda qosalqy qaryz alýshynyń tóleý qabilettiligi, ıaǵnı negizgi jumys orny boıynsha alǵan tabystary eskeriledi", delingen BǴM habarlamasynda.
Nesıeniń somasy shektelmeıtini, bastysy, oqýdyń barlyq kezeńderi úshin oqý qunynan aspaýy tıis ekeni aıtylady.
Aıta keter jaıt, baǵdarlama boıynsha jeńildikti kezeń bar, ıaǵnı oqý kezinde jáne oqý aıaqtalǵannan keıin 6 aıǵa kredıtti tóleý merzimi shegeriledi. Kredıtti merziminen buryn óteý kez kelgen ýaqytta aıyppul sanksııalarynsyz júzege asyralady.
Bilim berý kredıtterin kepildendirý memlekettik baǵdarlamasynyń arqasynda stýdent óz kúshimen óz bolashaǵyn josparlaı alady.
Al balalarynyń tabysty bolashaǵyn jas kezinen bastap josparlaýǵa jáne oqýǵa aqy tóleýmen qınalmaıtyn adamdarǵa memleketten aqsha ala otyryp, Memlekettik bilim berý jınaqtaýshy júıesi sheńberinde bilim depozıtine bolashaq oqytýǵa qarjy jınaýǵa múmkindik beredi.
Aıta keteıik, "Qarjy ortalyǵy" AQ Qazaqstan Respýblıkasy Úkimetiniń 2005 jylǵy 1 maýsymdaǵy № 541 qaýlysyna sáıkes Qazaqstan Respýblıkasy Bilim jáne ǵylym mınıstrligi "Qarjy ortalyǵy" memlekettik mekemesinen qaıta qurylý jolymen quryldy. "Qarjy ortalyǵy" AQ qyzmetiniń negizgi máni qarjy uıymdary beretin, aqshalaı nysanda oryndaýdy kózdeıtin bilim berý kredıtteri boıynsha kepildik berý, sondaı-aq buryn berilgen memlekettik bilim berý jáne stýdenttik kredıtterdiń qaıtarylýyn qamtamasyz etý bolyp esepteledi.
Eske salaıyq, keshe bıylǵy bilim granty ıegerleriniń tolyq tizimi jarııalanǵan edi.