- Erteńgi matchta Grıffıts oınaı ala ma?
- Ol jaraqatynan aıyǵyp kelse de, daıyndyq barysynda ózin jaqsy qyrynan kórsetip júr. Onyń komandaǵa oralǵany biz úshin de tıimdi bolmaq.
- Pleı-off kezeńiniń birinshi oıyny. Alǵashqy matchta jeńiske jetý – sonshalyqty mańyzdy ma?
- Negizi jeńiske jetý – óte mańyzdy. Biz erteńgi oıynda óz qaqpamyzǵa gol ótkizbeı, meıilinshe kóp gol soǵýdy kózdeımiz. О́tken kezeńderde biz óz úıimizde sátti oınaı almadyq. Esesine, syrt alańda jaqsy oınaıtynymyzdy kórsete aldyq dep oılaımyn. Shotlandııadaǵy matchta jankúıerlerdiń qoldaýy bizge jiger beredi.
- Búgin keshke transfer terezesi jabylady. Komandańyz jańa oıynshymen tolyǵýy múmkin be?
- Men tamyz aıynyń sońynda komandam tolyq jasaqtalsa dep oılaǵanmyn. Birneshe jańa fýtbolshymen kelisim shartqa otyrsaq ta, maǵan áli komandany kúsheıtý kerek. Chempıondar lıgasynyń ár oıyny fýtbolshylarymyzdyń dárejesin ósiredi. Erteńgi oıynǵa negizgi quramnyń birqatar oıynshysy kómektese almaıdy. Jalpy, oıynǵa daıyn emespiz desek te bolady. Degenmen, dál qazir komandamda jattyǵyp júrgen fýtbolshylaryma senim artamyn.
- «Astananyń» oıynyna saraptama jasaǵan shyǵarsyz. О́tken jylǵymen salystyrǵanda qanshalyqty kúsheıgen?
- «Astananyń» birneshe oıynyn qarap, zerttep kórdim. Byltyrǵymen salystyrǵanda birshama ózgeris baıqadym. Astanalyq fýtbolshylar bizge úırenshikti shabýylda jáne qaptalmen qarsy shabýylda jaqsy oınaıdy. Sondaı-aq, byltyr oınaǵan úsh ortalyq oıynshyny bıyl quramadan kóre almadym. Sonda da biz qarsylasqa qurmetpen qaraımyz jáne óz oıynymyzdy kórsetkimiz keledi.
- Erteńgi oıynnyń nátıjesine qatty alańdap jatqan joqsyz ba?
- Mende oıyn nátıjesi týraly esh alańdaýshylyq joq. Biz bul oıynǵa ózimizdiń kezekti matchymyz retinde qaraımyz. О́tken jyly biz qysym astynda jáne úlken fýtbol oınaýǵa úırendik. Bastysy, ózimizdiń myqty tusymyzdy eskerip, óz oıynymyzdy oınaý kerekpiz. Jáne de biz erteńgi oıynda osy aıtqandarymyzdy oryndap, jeńiske jetemiz.
Álı BITО́RE
«Egemen Qazaqstan»